A por todas (APT) é un movemento formado por enfermeiras das distintas áreas de Galicia.
Este movemento de recente creación xorde como resultado dun maltrato mantido durante
anos hacia a nosa profesión.

Levamos vendo como os nosos dereitos e condicións laborais do noso sector se deterioran
progresivamente. Vemos cada dia unha sanidade, cada vez máis deshumanizada, na que
tanto usuarios como traballadores somos números que só contan para as estadísticas.
Por todo isto, o movemento APT, respaldado polos sindicatos de toda Galicia e o Colexio
Oficial de Enfermaría de Lugo, convocamos unha concentración de forma conxunta, en 4
Áreas Sanitarias para mostrar o noso desacordo coas directrices que nos levan abocado a
situación actual de falta de enfermeiras que poidan facer fronte ás necesidades actuais,
tanto na Atención Primaria como na Atención Especializada. Isto é consecuencia da
precariedade laboral existente que obriga aos profesionais a buscar fora da nosa
comunidade mellores condicións laborais.
Deste xeito, o martes, Día 26 de Setembro convocamos concentracións coordinadas en
diferentes Áreas Sanitarias para protestar ante os distintos Centros Hospitalarios pola mala
xestión que se está a facer polas Direccións de Recursos Humanos.
As concentracións terán lugar en:
- Lugo - 11h (Entrada HULA)
- Monforte de Lemos - 13h (Entrada H. Monforte)
- A Coruña - 13h ((Rotonda HUAC)
- Santiago de Compostela - 13h (Entrada CHUS)
- Pontevedra - 13h (Entrada H. Provincial)
Queremos pór en valor a nosa profesión o noso traballo e a nosa valía.
Temos presentado na Dirección de RRHH do SERGAS en Santiago de Compostela as
nosas peticións.
Queremos manifestar os problemas que sufrimos e que intencionadamente en distintas
Xerencias pretenden seguir negando, mais xa estamos fartas e non estamos dispostas a
seguir calando.
APT solicita, así mesmo, a colaboración da prensa para a difusión de dita concentración.
Tamén pedimos que se difundan as futuras actividades que levemos a cabo, para
loitar polo noso colectivo, e tratar de dignificar e mellorar as condicións laborais da
enfermaría galega.