- RSS.-
Como non podía ser de outra forma o edil e o xenro do alcalde, No día de hoxe, luns 25 de setembro, celebrouse a Comisión Informativa de Asuntos Xerais do Pleno onde se inclúe como un dos puntos na orde do día o seguinte asunto: "Esta Alcaldía-Presidencia, considera que existen motivos suficientes para que Pleno recoñeza a dedicación exclusiva do concelleiro encargado da dirección interna e a xestión do servizo de Patrimonio, Obras e Urbanismo, D. Pablo Cambón Bértoa, debido á complexidade e a gran cantidade de traballo que conleva co fin de acadar o mellor funcionamento do servizo municipal."
Esta iniciativa chega só 3 meses despois do Pleno de Organización, onde, á proposta do propia alcaldía, deixaba sen retribución económica de ningún tipo a concellería de Patrimonio, Obras e Urbanismo delegada no concelleiro Pablo Cambón.
Dende o BNG consideramos que unha concellería tan importante coma esta debe ter dedicación exclusiva por parte de quen a ostente, polo tanto non se entendía porqué no conlevaba o correspondente soldo, e así o manifestamos no devandito Pleno, pero non de non obtivemos resposta de ningún tipo. Deste xeito, a lexislatura 2023-27 arrincaba con unha dedicación exclusiva remunerada menos ca nos anteriores mandatos.
Naquel momento, a pesares de estar en contra da subida de máis de 700 euros /mes en 14 pagas, correspondentes ás retribucións económicas das outras 3 concellerías con dedicación exclusiva, o noso voto foi de abstención por non verse incrementado de maneira sustancial o conxunto dos soldos desde o 2019.
Agora, atopámos con que o grupo de goberno pretende "colar" á cidadanía un soldo que suporá 40880 euros anuais de incremento ás arcas municipais ( 2920 euros en 14 pagas) sen ningun tipo de explicación de porqué non se fixo no seu momento, xa que é de sobra coñecidas as reponsabilidades que conlevan esta concellería.
