Información
Agenda de Galicia

Galiza Nova, organización xuvenil do BNG, está a desenvolver unha serie de actividades dentro da “II Semana da Patria Galega”.

Información
Localidades de Galicia 19 Julio 2018 2488 votos

37512055 10214559783139566 877110666341646336 nUn conxunto de actividades que as mocidades do BNG organizan durante os días previos ao 25 de xullo ao longo de toda a xeografía galega para celebrar e reivindicar a Patria galega. Esta segunda edición estará ademais enmarcada dentro do 30 aniversario de Galiza Nova.

Na comarca de Compostela realizouse onte, mércores 18, un acto simbólico que consistiu en despregar unha bandeira xigante no parque de Belvís para reivindicar a estreleira como a bandeira da nosa Patria, onde a estrela vermella representa a liberación dos pobos.

 

O martes 17, tamén na comarca de Compostela, organizouse unha palestra sobre os 50 anos da recuperación do Día da Patria no que interviñeron Saleta Goi, militante histórica do nacionalismo galego e Rubén Cela, portavoz do BNG no Concello de Santiago e membro da Executiva Nacional.

Enmarcados dentro desta “II Semana da Patria” desenvolveranse nos vindeiros días máis actividades na comarca. Repartos na rúa, proxección do documental “O sector enerxético na Galiza”, subida ao Pico Sacro e, para dar remate á semana, unha pequena festa no Pub Avante para militantes, simpatizantes e amigos.

 “O motivo fundamental do lanzamento desta campaña é achegar as actividades do Día da Patria a todo o país e en concreto á mocidade da nosa comarca” engadiu Manuel Arca, Responsábel comarcal de Galiza Nova en Compostela “Para solucionar os problemas estruturais da mocidade galega é preciso outro rumbo para Galiza, é preciso ter soberanía para rematar coa emigración, o desemprego xuvenil e a precariedade laboral e do ensino” afirmou tamén Argantael Kerdudo, Responsábel da Asemblea de Mulleres de Galiza Nova en Compostela.

Desde Galiza Nova fan tamén un chamamento a participar os días 24 e 25 de xullo en Compostela do Festigal, festival de música que xa vai pola súa XVII edición. Ademais, o 24 de xullo terá lugar a tradicional  Homenaxe a Rosalía e Castelao, que será este ano o acto central do 30 aniversario da organización e no que contarán, ademais de coa portavoz nacional do BNG, Ana Pontón, coas actuacións musicais de Nao e SondaRúa.

O programa completo da II Semana da Patria Galega pode consultarse na web de Galiza Nova galizanova.gal, no enlace http://galizanova.gal/semana-da-patria-2018">http://galizanova.gal/semana-da-patria-2018http://galizanova.gal/semana-da-patria-2017/">.

Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi