Información
Galicia

OS SOCIALISTAS DENUNCIAN QUE FEIJÓO UTILIZA A LEI DE ORZAMENTOS PARA MODIFICAR “POLA PORTA DE ATRÁS” 35 LEIS DIFERENTES SEN TRANSPARENCIA NIN COÑECEMENTO PARLAMENTARIO

Información
20 Noviembre 2018 172 votos

A portavoz de Facenda do Grupo Socialista, Begoña Rodríguez Rumbo, acusou hoxe ao goberno galego de facer un uso abusivo da Lei de Acompañamento para modificar “pola porta de atrás” ata 35 leis eludindo a transparencia e esquivando o debate parlamentario. Así o dixo no debate de totalidade no que os socialistas reclamaron a retirada desta norma, que continúa o debate parlamentario co único apoio do PP.

 

A responsable socialista puxo como exemplo o intento frustrado de utilizar este sistema para crear o persoal especialista de pediatría de área, que foi paralizado pola forte contestación social e dos colectivos sanitarios. Puxo como exemplo o goberno presidido polo socialista Emilio Pérez Touriño, que erradicou o uso da Lei de Acompañamento que si utilizaron Manuel Fraga e Núñez Feijóo antes e despois daquel goberno.

Rodríguez Rumbo criticou que con esta práctica o goberno galego realiza unha xestión política na que “nada é o que parece” ao disfrazar de debate democrático un procedemento para modificar todas aquelas leis sen publicidade, sen informes específicos, sen ditame do CES nin informes das administracións locais. Sinalou que esta será a única Lei que ten presentado o goberno galego no que vai de ano, que suma xa 168 modificacións lexislativas por este procedemento dende 2010.

Acusou á Xunta de “publicitar” unha suposta redución fiscal no IRPF e no Imposto sobre Sucesións e Doazóns, que suporá un aforro de 450.000 e 2 millóns de euros, respectivamente. Agochan deste xeito que coa rebaixa do Imposto do Patrimonio a Xunta deixará de percibir 12 millóns de euros que se aforrarán as 7.132 persoas máis ricas de Galicia, principais beneficiarias desta “política fiscal regresiva.

Apuntou tamén á promocionada rebaixa do 10 por cento do canon de Sogama, que é aplicada “con condicións” aos concellos pero que “esquece” que en 2014 a Xunta aplicoulle unilateralmente unha suba do 34 por cento aos concellos. Tampouco din, explica, que Sogama leva dous exercicios orzamentarios con superávit, que foi de 9,5 millóns en 2016 e de 12,2 millóns en 2017.

Tamén enganan, dixo, ao anunciar que “supostamente favorecen a recuperación das condicións laborais perdidas polos empregados públicos”, cando en realidade presentan unha nova modificación xeral da Lei de Emprego Público de Galicia, secuestrando a necesaria negociación colectiva e debate parlamentarios previo. Todo iso para agochar que non aplican as medidas para a mellora do emprego público acordadas por Montoro no pasado mes de marzo.

Política Social

Rodríguez Rumbo acusou ao goberno galego de “cronificar o esquecemento dos que máis o necesitan” ao deixar sen atender ás persoas con menos recursos. Sinalou ao compromiso de construír unha nova residencia en cada unha das sete grandes cidades de Galicia, que continúan sen poñer a primeira pedra, o incremento dos dependentes desatendidos, con xa 117.875 persoas, ou unha Renda de Integración Social “escasa, indigna e excesivamente burocratizada”.

Advertiu que no ecuador da “Lexislatura do Rural”, o goberno galego agocha que hai 1.546 afiliados á Seguridade Social menos e 4.000 ocupados menos na Agricultura, nunha Comunidade Autónoma seriamente afectada pola crise demográfica, cando en 9 anos hai 95.119 habitantes menos, que ascende a 207.274 emigrados de entre 20 e 39 anos.

A responsable socialista lamentou o fracaso do “eslogan” do goberno galego, que presenta a Galicia como “o mellor lugar para nacer” cando Galicia tivo en 2017 o menor crecemento vexetativo do Estado e é a terceira con menor índice de fecundidade -1,12 fillos por muller-.

Advertiu que “se nestes 9 anos se tiveran empregado a evitar a sangría demográfica, frear o desmantelamento dos servizos públicos e executar os orzamentos en emprego, Galicia si que tería sido o mellor lugar para nacer e para vivir”.

baner denuncia sistemajudicialcorruptoO sistema xudicial é pouco confiable segundo a maioría dos españois. Esta malfunción débese, principalmente, á impunidade dos funcionarios (policías, fiscais e autoridades xudiciais) e dos profesionais privados: avogados, procuradores e os colexios profesionais de ambos.
Esta disfunción xudicial esnaquiza a vida de demasiadas vítimas e ANVIPED foi creada en 2014 para defenderlles e así acabar con esta impunidade da que deriva o seu mal funcionamento.
Debemos crear asociacións para defendernos da "violencia que exerce o Estado" (Foro Social Mundial, 2011) Os xuíces españois case nunca cumpren a lei, polo que só traballamos en casos que incumplan leis europeas (dereito comunitario) para levalos ao Tribunal de Xustiza Europeo...(+)   ¡¡¡ Únete a nos !!!


 


Otros articulos relacionados.....