O Xulgado do Mercantil número 2 da Coruña confirmou o auto do pasado mes de novembro no que autorizou a venda, por 1,6 millóns, da unidade produtiva de Editorial Compostela, empresa matriz do xornal El Correo Gallego, á entidade Editorial Prensa Ibérica (EPI).
A maxistrada emitiu hoxe unha resolución na que rexeita o recurso interposto por Numancia Publicidade S.L. contra ese auto, no que solicitaba que se revogase e se ditase outro que acordase non autorizar esa transmisión a favor de EPI, “dando traslado ao resto de partes da posible autorización a favor da oferta da sociedade Editorial El Correo SL, en constitución”.