Información
Localidades de Galicia

Goretti Sanmartín, anunciou que continúan abertas as vías de reclamación xudicial do Pazo de Meirás, despois de se coñecer a resposta de Patrimonio Nacional.

Información
27 Abril 2018 413 Votos

A Xunta pro Devolución do Pazo de Meirás considera na súa avaliación do comunicado que Patrimonio Nacional responde "de maneira política e, elude responsabilidades ao tempo que considera que o Pazo de Meirás foi "residencia oficial" do Xefe do Estado". Como conclusión, desde a Xunta pro Devolución, defenden a solidez do informe xurídico remitido pola Deputación da Coruña a Madrid e lamentan que desde o organismo responsábel da xestión do Patrimonio Nacional "eludan implicarse perdendo a oportunidade de reclamar o Pazo para goce público coa autoridade que recoñece o informe elaborado polo equipo do profesor Xabier Ferreira".

 

En xuntanza desenvolvida este martes a vicepresidenta da Deputación da Coruña, Goretti Sanmartín anunciou a continuidade da vía xurídica e a solicitude dunha xuntanza co Ministerio de Presidencia co fin de "esgotar todas as vías" até conseguir o obxectivo.

Neste sentido, desde a Deputación da Coruña anunciaron xa unha reunión inminente do presidente e a vicepresidenta da institución, Valentín González Formoso e Goretti Sanmartín Rei, cos servizos xurídicos da institución, ademais do equipo dirixido polo profesor Xabier Ferreira encargado de elaborar o informe xurídico que avala a vía para a recuperación para ben público do Pazo.

Desde a Deputación manifestan o convencemento de que o camiño sinalado no informe xurídico –que se fundamenta na nulidade do contrato de compra-venda do conxunto a Francisco Franco en 1941- continúa aberto e permite novas exploracións que a resposta de Patrimonio Nacional non pecha. "Xulgamos que só sinala que desde esa institución non se senten lexitimados para iniciar o proceso, o que significa que hai outras instancias que teñen que mover ficha", sinala Goretti Sanmartín Rei.

O informe xurídico encargado pola Deputación da Coruña a un equipo dirixido polo profesor da Universidade de Santiago, Xabier Ferreira, abría a porta á recuperación do Pazo de Meirás e puña o foco en Patrimonio Nacional como suxeito con opcións para se presentar no proceso de recuperación do conxunto considerado Ben de Interese Cultural para o patrimonio público. A pesar da argumentación exposta, a resposta de Patrimonio Nacional ao informe remitido pola vicepresidenta da Deputación, Goretti Sanmartín Rei, anuncia que non se atopa "lexitimado para a súa reivindicación" segundo o informe solicitado a súa vez á Avogacía do Estado no Patrimonio Nacional.

Segundo notifican na comunicación asinada polo presidente do organismo, Alfredo Pérez de Armiñán y de la Serna, o informe xurídico recoñece que o Pazo de Meirás foi unha das dúas residencias oficiais de verán do daquela Xefe do Estado desde 1941 a 1975 mais "ao non ter sido nunca propiedade do Estado, nin puido nin pode integrarse no Patrimonio Nacional", o que argumenta pola aplicación das leis do 7 de marzo de 1940 e de 16 de xuño de 1982. "Na súa virtude, o Consello de Administración da Entidade non se atopa lexitimado para a súa reivindicación", conclúe a carta remitida de volta á vicepresidencia da Deputación da Coruña co informe xurídico adxunto.

Desde a Xunta pro Devolución do Pazo de Meirás insisten en que o camiño xurídico que tería que ser aberto desde instancias do Estado non está pechado polo que, de inmediato, se dirixirán "ao Ministerio de Presidencia a quen se lle remitirán de novo os documentos e se lle solicitará unha xuntanza para reclamar o compromiso no proceso dirixido a recuperar o Pazo de Meirás". Na solicitude de reunión avaliarase tamén o informe de Avogacía do Estado e a vía aberta ao considerar o Pazo de Meirás "residencia oficial" do xefe do Estado, conseguida despois dunha compra fraudulenta e un espolio á veciñanza demostrado con documentos históricos. Ao tempo o informe da Avogacía do Estado recoñece tamén que o mantemento, a reforma e a construción de novas infraestruturas no Pazo de Meirás foron coordinadas pola Casa Civil e Militar da Xefatura do Estado e asumidas pola Comandancia de Obras do Ministerio do Exército.

O pleno da Deputación da Coruña acordara xa, por unanimidade, instar ao Estado a exercitar as accións administrativas e xudiciais oportunas para recuperar o Pazo de Meirás para o patrimonio público. Desde a Xunta pro Devolución do Pazo de Meirás agardan que o ministerio responda ao requirimento mais, de non ser o caso, anuncian xa que "esgotarán todas as vías para cumprir o obxectivo de facer xustiza e conseguir que o Pazo de Meirás deixe de estar en mans da familia do ditador".

Anuncian tamén que, ao tempo que defenden este camiño indicado polo informe xurídico, activarán novas iniciativas dirixidas a dar a coñecer a situación do inmoble, convertido nun espazo de apoloxía do franquismo que "campa con total impunidade até o extremo de teren depositado alí as dúas esculturas do Mestre Mateo reclamadas xudicial e politicamente". Desde a Xunta pro Devolución do Pazo manifestan a súa preocupación polos 5.000 volumes da biblioteca de Emilia Pardo Bazán depositados en Meirás.

Galicia: Por la dignidad de los medios públicos y privados "CORROMPIDOS" por el Partido Popular


 

esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi