Información
Localidades de Galicia

O XXI Foro dos Recursos Mariños e da Acuicultura das Rías Galegas mantén o diálogo entre todos os axentes do mar

Información
26 Mayo 2018 890 votos
1 1 1 1 1 1 1 1 1 1


De esquerda á dereita: Ángeles Vázquez, Rogelio Conde-Pumpido e Manuel Rey. Foto: Rosalía Quiroga

O XXI Foro dos Recursos Mariños e da Acuicultura das Rías Galegas (ForoAcui) mantén o seu compromiso co diálogo entre os axentes do sector pesqueiro e acuícola, do entorno científico e investigador e da Administración pública no seu encontro anual o vindeiro mes de outubro na Illa da Toxa.

O Foro contará con seis mesas de traballo: os retos do Instituto Español de Oceanografía (IEO), o marisqueo e pesca de baixura, a acuicultura, a empresa e os recursos, e dúas mesas dedicadas ao Fondo Europeo Marítimo e de Pesca (FEMP), unha delas centrada nos aspectos xerais da acuicultura e outra nas industrias, frota e desenvolvemento coas axudas GALP.



Nas xornadas trataranse temas de actualidade como a gran problemática dos plásticos, as novas dietas con polbo, a evolución dende o marisqueo libre ao profesional e o papel da muller no sector pesqueiro. Ademais, o investigador da USC Manuel Freire-Garabal explicará as propiedades das microalgas mariñas contra o cancro.

Nunha presentación aos medios de comunicación do programa do Foro celebrada este venres interviñeron o presidente do comité organizador do Foro, o profesor Manuel Rey Méndez, quen destacou a posibilidade de “coñecer a realidade do mar en Galicia mediante a dinamización e o intercambio de ideas”; e o director de Xestión e Valorización de I+D da USC, Rogelio Conde-Pumpido quen puxo o foco no traballo dos últimos trinta anos para manter as pontes entre a investigación na Universidade e o sector produtivo. Tamén interveu a subdirectora xeral de Acuicultura da Consellaría do Mar, Ángeles Vázquez Suárez, para subliñar a importancia de levar a cabo un “ desenvolvemento sustentable da pesca e da acuicultura no eido medioambiental, a xestión eficiente dos recursos, a innovación, a competitividade e o coñecemento”. Neste acto tamén presentaron un libro que recolle todas as comunicacións da anterior edición do Foro.

lineaazul 1600

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...

O sábado 19 en sesión de tarde e o domingo 20 en dobre sesión...

A CIG súmase á campaña "Mañá podes ser ti" promovida por...