Información
Lugo

Marcha Ciclista Unificada, cunha etapa entre Friol e Parga

Información
25 Septiembre 2018 238 votos

                

Presentación Special Olypics

O evento terá lugar do 4 ao 7 de outubro e desenvolverase en 4 etapas: a primeira en Ourense, a segunda en Lugo, de Friol a Parga, a terceira en Santiago de Compostela e a derradeira terá lugar en Vilagarcía de Arousa. Participarán preto de 40 atletas

Santos Ramos subliñou que “dende a Deputación de Lugo facemos un esforzo moi importante para que a plena inclusión e a participación cotiá na sociedade das persoas con capacidades diferentes se normalice ao máximo posible”

O Goberno da Deputación colabora coas actividades de Special Olympics Galicia cunha achega de 8.000 euros, que permite a celebración desta Marcha Unificada, así como doutras iniciativas ao longo do ano como os xogos de campo a través e petanca, os xogos autonómicos de natación ou o maratón urbano de Viveiro

O voceiro do Goberno, Álvaro Santos Ramos, presentou este luns a VI Edición da Marcha Ciclista Unificada de Special Olympics Galicia, que se celebrará do 4 ao 7 de outubro e desenvolverase en 4 etapas: a primeira delas, o día 4, en Ourense; a segunda, o día 5, en Lugo (entre Friol e Parga); a terceira o día 6, en Santiago de Compostela; e a derradeira o día 7, en Vilagarcía de Arousa. Fíxoo acompañado pola Alcaldesa de Guitiriz, Regina Polín Rodríguez; o Alcalde de Friol, José Ángel Santos Sánchez; e o Presidente de Special Olympics Galicia, Eladio Fernández Pérez.

O Goberno da Deputación colabora coas actividades de Special Olympics Galicia cunha achega de 8.000 euros, que permite a celebración desta Marcha Unificada, así como doutras iniciativas ao longo do ano como os Xogos de campo a través e petanca, os Xogos Autonómicos de Natación ou o Maratón Urbano de Viveiro.

Santos Ramos subliñou que “dende a Deputación de Lugo facemos un esforzo moi importante para que a plena inclusión e a participación cotiá na sociedade das persoas con capacidades diferentes se normalice ao máximo posible. Neste caso, facémolo colaborando con esta Marcha Unificada que terá lugar o próximo día 5 en Lugo, cun percorrido de aproximadamente 20 quilómetros, entre Friol e Parga, e que atravesará diferentes parroquias de ambos concellos, ademais dun pequeno treito do Camiño de Santiago, no que os participantes poderán contemplar a riqueza e o patrimonio do noso medio rural, e tamén enriquecelo co seu paso polo mesmo”.

O voceiro do Goberno felicitou a Special Olympics “polo traballo permanente para visibilizar a normalidade e as capacidades que cadaquén temos independentemente das nosas situacións particulares. Tamén felicitar aos concellos de Guitiriz e Friol por acoller esta iniciativa que nos enriquece a todos e nos fai partícipes dunha visión da sociedade máis ampla e máis humana. Trátase dunha proba non competitiva na que os ciclistas pedalean para darse a ver, pedalean contra os prexuízos e pedalean contra as cuestións que temos que mellorar como sociedade”.

En total, nas diferentes etapas, participarán 37 atletas con capacidades diferentes. Haberá 2 clubs ciclistas dando apoio en cada etapa, así como 20 voluntarios e 9 adestradores que velarán polo correcto desenvolvemento das mesmas. A segunda etapa celebrarase na provincia de Lugo. Ás 10:15, en Friol, terá lugar a chegada de participantes e control de firmas. A saída está prevista para as 11:00 horas, e a chegada a Parga, en Guitiriz, será sobre as 14:00 horas.

Sexta edición da Marcha Ciclista
Special Olympics é unha organización internacional sen ánimo de lucro, fundada a finais dos anos sesenta, para promover a integración social das persoas con discapacidade intelectual a través do Deporte. Por sexto ano consecutivo, organizan a Marcha Ciclista Unificada que nesta edición amplía o seu percorrido, chegando a localidades das catro provincias galegas.

Deste xeito, a marcha comezará o vindeiro 4 de outubro coa primeira etapa pola localidade ourensá de Baños de Molgas (12 quilómetros); continuará o día 5 de outubro na provincia de Lugo, onde percorrerán a etapa entre Friol e Parga (19 quilómetros). O día 6 estarán en Santiago de Compostela, nunha ruta polo centro da capital galega (13 quilómetros); e, finalmente, o rematarán o 7 de outubro en Vilagarcía de Arousa (13 quilómetros).

baner denuncia sistemajudicialcorruptoO sistema xudicial é pouco confiable segundo a maioría dos españois. Esta malfunción débese, principalmente, á impunidade dos funcionarios (policías, fiscais e autoridades xudiciais) e dos profesionais privados: avogados, procuradores e os colexios profesionais de ambos.
Esta disfunción xudicial esnaquiza a vida de demasiadas vítimas e ANVIPED foi creada en 2014 para defenderlles e así acabar con esta impunidade da que deriva o seu mal funcionamento.
Debemos crear asociacións para defendernos da "violencia que exerce o Estado" (Foro Social Mundial, 2011) Os xuíces españois case nunca cumpren a lei, polo que só traballamos en casos que incumplan leis europeas (dereito comunitario) para levalos ao Tribunal de Xustiza Europeo...(+)   ¡¡¡ Únete a nos !!!


 


Otros articulos relacionados.....