Es Noticia | #Rueda |  Besteiro  |  PSdeG  |  Elecciones 18F |   Jácome   |  Lage Tuñas  |  Acoso  |  Blanqueo  |  Casa Bailly  |   Trama Norte   |  Pesca Ilegal | Paloma Rueda

BESTEIRO: "OS 35 MILLÓNS DO GOBERNO DE ESPAÑA ASEGURAN O REGADÍO SOSTIBLE DA PATACA OURENSÁ"

Información
05 Diciembre 2023 - Ourense - Correo electrónico - Imprimir - 2453 votos
social youtube xornalgalicia   feed-image

 

Besteiro_regantes_051223.jpegJosé Ramón Besteiro, candidato socialista á Presidencia da Xunta de Galicia, congratulouse de que o Goberno de España destine 35 millóns de euros para a modernización e consolidación do regadío da comarca da Limia, trala sinatura do ministro de Agricultura, Pesca e Alimentación, Luis Planas coa Sociedad Mercantil Estatal de Infraestructuras Agrarias (Seiasa).

No convenio asinado a pasada semana inclúese unha addenda que incrementa en case 20 millóns de euros ás previsións iniciais destinadas a este fin, que ían ser de 15,9 millóns. Deste xeito, convértese en realidade a xestión iniciada en 2008 pola ministra socialista Elena Espinosa, e que quedara relegada ata o de agora polos gobernos populares. Estas obras, declaradas de interese xeral, son un exemplo de colaboración público-privada.

 

Besteiro destacou a importancia de que “grazas a estes fondos se pode executar e impulsar un regadío sostible e eficiente, fundamental para o sector da pataca que só na comarca da Limia produce uns 120 millóns de quilos ao ano e que, ata o de agora, se sostiña cun sistema precario de pozos”. O acordo implica que “1.855 regantes poderán incrementar a produción de pataca porque van ter un maior rendemento e abastecemento de auga de forma máis eficiente, máis sostible e aforrando numerosos custes”, engadiu.

 

A Xunta do popular Alfonso Rueda limítase a facer propaganda e vender fume canto á política agraria fronte aos investimentos e as accións como a que ven de realizar o Goberno de España que si teñen repercusión real no sector agrícola e, xa que logo, na vida das persoas que o integran. É o caso da Limia, fronte a 40 pozos feitos por Rueda (un investimento de 6,5 millóns de euros dos que menos da metade eran de fondos propios) o goberno socialista de Sánchez trae a modernización plausible do regadío existente.

 

Isto permitirá un importante aforro de auga, enerxético e de custes, ademais de posibilitar un incremento da produción e garantir o futuro do rural e das súas xentes. Besteiro subliñou que esta actuación para o regadío sostible aportará maior rendibilidade e produtividade para unha poboación crecente con recursos hídricos cada vez máis escasos pola crise climática.

 

De feito, estes cartos favorecen a case 2.000 regantes que cultivan un total de 2.576 hectáreas nos municipios ourensáns de Xinzo da Limia, Trasmiras, Sarreaus e Porqueira. Nesta zona as patacas contan con denominación xeográfica e se cultivan principalmente dous tipos: a Kenebec, para consumo xeral, e a Agria, para elaboración industrial de tipo snacks. En ambos casos esta produción vese moi afectada pola emerxencia climática, xa que a seca non lles permite medrar e o exceso de choiva conleva o podrecemento do tubérculo ou enfermidades de carácter fitosanitario.

 

O Goberno de España aporta o 80% do investimento subvencionable (sen IVE) a través do Plan de Recuperación, Transformación e Resiliencia (PRTR), cofinanciados en parte polo Fondo Europeo Agrario de Desarrollo Rural. Pola súa banda os regantes fanse cargo do 20% restante e o IVE. Con esta modernización melloraránse as redes de distribución de rego, as balsas, as acometidas eléctricas, financiarase a instalación de placas fotovoltaicas para obtención de enerxía verde, etc. de modo que se dará estabilidade á produción de xeito eficiente e respectuoso co medio ambiente.

 

Con Besteiro estiveron o subdelegado do Goberno en Ourense, Emilio González Afonso (presente este xoves na sinatura do convenio en Madrid co ministro); as deputadas autonómicas por Ourense Carmen Rodríguez Dacosta e Marina Ortega, así como o deputado Eduardo Ojea, Álvaro Vila, voceiro socialista na Deputación de Ourense, o alcalde de Taboadela e vicesecretario provincial do PSdeG-PSOE na provincia, así como outros deputados provinciais), Elvira Lama ex-alcaldesa y actual concelleira de Xinzo (directamente implicada na loita pola modernización do regadío na comarca), así como vicevoceira socialista na Deputación ourensá, Marga Martín, deputada no Congreso, e Rafael Villarino, senador e secretario provincial do PSdeG-PSOE de Ourense.

Attachments
Besteiro convenio regantes 051223.mp3 [354.2Kb]
Uploaded Martes, 05 Diciembre 2023 by xornalgalicia
20231205132710 Besteiro convenio regantes 051223.mp3 [354.2Kb]
Uploaded Martes, 05 Diciembre 2023 by xornalgalicia

Están leyendo; xn  Atún Tuny, Ancla, Capitán Nemo, Martuna  xn  Asesora de Feijóo   xn  Pladesemapesga xn Circos del PP xn Elecciones 2024    xn     Corrupción  Mar Sánchez Sierra. - Más

También es noticia hoy  | Millan Calenti |   Grupomar  |   Autrey  |  RealidelPacífico |   Elecciones   |   Candidatos  |   P.González   |   Mar Sánchez  |   Acoso  |   Blanqueo  |   Perú  |   Trama Norte   |   Pesca Ilegal

         Siguenos iconotwitterTwitter         rss icono-  RSS.-   Youtube envelope mail icon free vector  Contacte   iconopublicidadPublicidad  222118  Mapa Web logo proveedores 
Privacidad y uso de cookies

Usamos cookies en nuestro sitio web. Algunas de ellas son esenciales para el funcionamiento del sitio, mientras que otras nos ayudan a mejorar el sitio web y también la experiencia del usuario (cookies de rastreo). Puedes decidir por ti mismo si quieres permitir el uso de las cookies. Ten en cuenta que si las rechazas, puede que no puedas usar todas las funcionalidades del sitio web.