Información
Portada

A incapacidade de Feijóo logra que siga a medrar o desemprego en Galiza no mes de agosto por vez primeira en 7 anos

Información
05 Septiembre 2018 2052 votos
1 1 1 1 1 1 1 1 1 1

O paro rexistrado en Galiza incrementouse neste mes de agosto nun 0,6%, acadándose un total de 164.424 persoas desempregadas. Un cambio de tendencia que o secretario xeral da CIG, Paulo Carril, cualifica de “moi preocupante“ porque é a primeira vez que isto ocorre neste mes desde o ano 2011, hai 7 anos. A situación é máis alarmante aínda cando, malia aumentar o desemprego, se rexistraron nin máis nin menos que 99.717 contratos, dos que só o 8,5% foron indefinidos, o que denota a enorme temporalidade do noso mercado de traballo e a grave precariedade laboral que sofren as e os galegos, ante u PPdeG impasible que nen se inmuta.


Para Paulo Carril estes datos constatan o que a CIG xa viña advertindo nos últimos meses, que a recuperación da que tanto alardea o goberno de Feixóo “é unha falacia”. De feito subliña que a afiliación media mensual descendeu en 1.158 persoas, “máis mesmo do que aumentou o desemprego” o que, asegura, “constata que os leves descensos do paro dos últimos meses tiñan máis que ver coa perda de poboación activa en Galiza que cunha creación de emprego real” e que isto está provocado, fundamentalmente “pola emigración”.

A recuperación da que tanto alardea o goberno de Feixóo é unha falacia

A este respecto alerta do modelo de mercado de traballo que se está asentando no noso país a consecuencia das sucesivas reformas laborais e da negociación colectiva: “traballadoras e traballadores pobres con contratos precarios e temporais”.

Denuncia que ese, e non outro, era precisamente o obxectivo destas reformas e advirte de que xunto a isto se está producindo un fenómeno “gravísimo” para calquera sociedade. “O goberno do PP en Galiza é incapaz de crear emprego cualificado. Os datos evidencian que é máis difícil a ocupación canta máis formación, o que provoca que sexan as traballadoras e traballadores máis cualificados quen se ven obrigadas/os a emigrar”.

Xunto a isto segue medrando a exclusión social e máis unha vez o número de persoas desempregadas con dereito a algún tipo de prestación está por debaixo do 50%, en concreto no 48,1%, acadando un total de 78.682 persoas.


Medidas urxentes

Diante desta situación Paulo Carril exixe a inmediata derrogación das reformas laboral e da negociación colectiva. Demanda un cambio urxente das políticas económicas e laborais e urxe á articulación de medidas de protección social que dean cobertura ao cada vez maior número de persoas desempregadas que non reciben ningún tipo de prestación.

 

lineaazul 1600

Otros articulos relacionados.....

El Campeonato Gallego Juvenil de Waterpolo se disputará un año...

FranquiAtlántico, el Salón de franquicias de referencia en el...

- Trátase da 4ª edición desta carreira de aventuras por equipos...

A secretaría das Mulleres da CIG presentou esta mañá, en...