Información
Vigo

Vigo recibiu en xuño case 39.000 visitantes e máis de 77.000 pernoitas, "os mellores datos desde que hai rexistro na cidade"

Información
24 Julio 2018 1862 votos

O alcalde destaca que tanto o pasado mes como o conxunto do primeiro semestre do ano foron "históricos". Caballero destacou que o pasado mes "subiron moito as pernoitas de estranxeiros, nun 12%, pero máis as nacionais, con máis dun 13%".

O alcalde fixo esta mañá balance do turismo en Vigo durante o primeiros seis meses do ano e destacou que tanto xuño como este período completo foron "históricos".

Segundo indicou, Vigo recibiu en xuño 39.000 visitantes, case un 5% máis con respecto a xuño do ano pasado. "É o mellor xuño turístico dos que se ten rexistro na historia da cidade", engadiu.

As pernoitas en xuño foron máis de 77.000, o que significa un crecemento do 13%. Tamén neste apartado, volve ser o dato máis alto desde que hai rexistros de turismo en Vigo.

Caballero destacou que o pasado mes "subiron moito as pernoitas de estranxeiros, nun 12%, pero máis as nacionais, con máis dun 13%".

Pola súa banda, os datos de visitantes nacionais mostran un ascenso do 7,2% e en estranxeiros, do 0,98%.

Respecto á porcentaxe de ocupación dos hoteis en xuño, o rexedor apuntou que foi do 70%, "unha moi importante ocupación".

En canto aos datos acumulados neste primeiro semestre do ano, Caballero afirmou que "levamos acumulados 181.000 visitantes, un incremento do 1,2 con respecto ao ano anterior, que xa fora un ano récord". Así, lembrou que, a pesar do problema orixinado pola desconexión do sistema antinéboa de Peinador, "conseguimos de novo subir e tivemos o mellor semestre do ano en turismo".

O mesmo sucedeu en pernoitas: "Subimos un 2,7% con respecto aos seis primeiros meses do ano anterior, o que significa que levamos un ano 2018 récord en turismo en Vigo", destacou.

O alcalde manifestou a súa satisfacción ante estes datos e confía en que continúen na mesma liña. "Estamos a conseguir asentar unha gran pata económica de Vigo, a do turismo. Isto ten varios elementos principais entre os que destaca Cíes Patrimonio da Humanidade, que é un reclamo turístico de primeira magnitude, por iso algúns non queren que o teñamos en Vigo", afirmou. Tamén destacou o bo estado da cidade grazas ás numerosas humanizacións, "que nos converten nunha cidade de gran atractivo turístico".

Mais noticias
O Concello inicia os trámites do novo Barrio do Cura, que estará concluído en catro anos
O alcalde anima a achegarse ao Land Art de Valença, nacido tras a vaga de lumes do 15 de outubro
Enrique Mallón será o pregoeiro en Vigo do Día de Galicia
Vigo adxudica as obras de recuperación da Finca Solita por un importe de 221.000 euros
 

baner denuncia sistemajudicialcorruptoO sistema xudicial é pouco confiable segundo a maioría dos españois. Esta malfunción débese, principalmente, á impunidade dos funcionarios (policías, fiscais e autoridades xudiciais) e dos profesionais privados: avogados, procuradores e os colexios profesionais de ambos.
Esta disfunción xudicial esnaquiza a vida de demasiadas vítimas e ANVIPED foi creada en 2014 para defenderlles e así acabar con esta impunidade da que deriva o seu mal funcionamento.
Debemos crear asociacións para defendernos da "violencia que exerce o Estado" (Foro Social Mundial, 2011) Os xuíces españois case nunca cumpren a lei, polo que só traballamos en casos que incumplan leis europeas (dereito comunitario) para levalos ao Tribunal de Xustiza Europeo...(+)   ¡¡¡ Únete a nos !!!


 


Otros articulos relacionados.....