Información
Vigo

Denuncian unhas oposicións no Concello de Vigo con cuestionarios e preguntas que non teñen nada que ver co temario nin co posto " sopeitan de amaños ".

Información
09 Noviembre 2018 397 votos
1 1 1 1 1 1 1 1 1 1

Representantes sindicais da CIG e CCOO nos bombeiros/as do Concello de Vigo ofreceron hoxe unha rolda de prensa para denunciar o “despropósito” do exame teórico das oposicións celebradas o pasado domingo, que incluíu preguntas sen relación co temario nin co posto de traballo en cuestión. Entenden que a proba debera repetirse “por coherencia” e agardan que o tribunal atenda o máis dun cento de reclamacións individuais e colectivas presentadas polos/as afectados/as co apoio das dúas centrais.

 

Na comparecencia diante dos medios de comunicación trasladaron o malestar existente tanto entre os opositores/as como entre o persoal do parque de bombeiros/as vigués polo “desproporcionado” número de preguntas “sen relación co temario nin co posto de traballo”, xa que das 50 que incluía o exame preto de 20 eran de física ou química dun nivel superior á categoría da praza, neste caso C2.

“Entendemos que a proba debera ser coherente coa praza á que se oposita, xa que do contrario o único que se consigue é frustrar as persoas que se presentan e impedir que se poidan cubrir os postos necesarios no parque vigués, que conta cunha media de idade moi elevada e con escaseza de persoal”. De feito, dos 290 aspirantes a 10 prazas unicamente 19 aprobaron o exame, e aínda faltan por celebrarse as probas físicas. 

Das 290 persoas aspirantes a un total de 10 prazas unicamente aprobaron 19

Explican que entre os opositores/as atopábanse persoas doutros puntos do Estado (como Madrid ou Sevilla) -onde a praza de bombeiros/as é de categoría C1- que lograron superar as exames teóricos noutras ocasións a pesar de que as probas para acceder son máis esixentes pero que na de Vigo non só suspenderon “senón que nalgúns casos obtiveron unha cualificación que non superou o 2”.

Ao mesmo tempo, lamentaron que con procesos deste tipo “desvirtúase” o servizo público que representa o corpo de bombeiros/as, “xa que o que precisamos é xente que coñeza a que se debe cando accede ao posto”. Lembran que tanto os sindicatos como as plataformas de bombeiros/as están de acordo en esixir oposicións transparentes, coherentes e homoxeneizadas e nas que as bases se consensúen.

lineaazul 1600

Otros articulos relacionados.....

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...

O sábado 19 en sesión de tarde e o domingo 20 en dobre sesión...

A CIG súmase á campaña "Mañá podes ser ti" promovida por...