Información
A Coruña

Carballo, sede do Campionato de España Absoluto de Salvamento e Socorrismo por Comunidades Autónomas

Información
22 Septiembre 2018 1054 votos
1 1 1 1 1 1 1 1 1 1

O complexo deportivo Carballo Calero acollerá este sábado as probas de piscina do Campionato de España Absoluto de Salvamento e Socorrismo por Comunidades Autónomas, un torneo que non se celebraba desde 2008 e no que esta fin de semana se darán cita 7 seleccións e case 90 deportistas de Galicia, Estremadura, Castela-A Mancha, Castela e León, Madrid, Comunidade Valenciana e Cantabria. O equipo galego está formado por seis homes e seis mulleres, entre eles o larachés do Sal José Enrique Ramilo. Carballo comparte sede co Ézaro, onde o domingo se disputarán as disciplinas de praia. Na organización colaboran o noso Concello, o Club Sysca carballés e a Federación Galega (Fessga).

 

A competición na Carballo Calero comezará tras o desfile de participantes, previsto para as 9.30 horas. A sesión de tarde disputarase entre as 16.30 e as 19.30. No documento adxunto tedes o programa de probas, seis individuais e catro de relevos.

Presentación

Na presentación do campionato participaron o alcalde, Evencio Ferrero; o concelleiro de Deporte, Marcos Trigo; o director deportivo da Fessga, o carballés Sergio Quintela; a presidenta da Federación Galega, Nuria Rodríguez, e o seleccionador galego, Diego López.

Trigo, agradeceulle á Federación Galega que contase co Sysca e co Concello para colaborar na organización do nacional. “Sempre existiu un clima de entendemento entre nós e a Federación, así que agardamos que o evento sexa un éxito desde o punto de vista deportivo”.

A presidenta da Federación mostrouse confiada “no éxito do campionato a nivel organizativo, tendo en conta a experiencia que xa demostramos nestas tarefas o Sysca, a Federación e o Concello”.

“Esperamos traer importantes logros deportivos para Galicia e tamén que o evento sexa un éxito de organización, o que permitirá que o campionato teña continuidade despois destes dez anos de parón”, desexou o seleccionador galego.

Insistiu neste asunto o Sergio Quintela: “Gustaríame repetir en Carballo o ano que vén, pero non como sede compartida, senón única, e que as probas de piscina sexan na Carballo Calero e as de praia en Razo”.

Evencio Ferrero mostrouse “encantado de que Carballo sexa sede deste campionato”. “Sempre tivemos como criterio que as instalacións públicas teñen que prestar un servizo público”. “Neste caso”, engadiu, “hai un club, que é o Sysca, que merece todo o recoñecemento, así que sempre nos mostraremos dispostos a colaborar con el e, neste caso, tamén coa Federación Galega, como creo que lle corresponde a unha administración. Nós, orgullosos de que a nosa vila estea no mapa da actividade deportiva”. O alcalde lembrou que en Carballo o salvamento e socorrismo “foi sempre un referente, e ademais sempre houbo moi bos practicantes desta disciplina, mesmo con títulos a nivel de Galicia pero tamén de todo estado; algún deles ata chegou a participar en campionatos do mundo”

Descargas

A Unidade de Salvamento Acuático de Carballo, integrada por 25 persoas, realizou 7 salvamentos e atendeu a 444 persoas, todas por cuestións leves, nos postos de socorro

A temporada de praias saldouse con 7 salvamentos e 444 persoas atendidas nos postos de socorrismo, ningunha de gravidade, segundo o balance que vén de facer público a Unidade de Salvamento Acuático que estivo operativa entre o 9 de xuño e o 9 de setembro. O tempo, entre variable e regular en xuño e xullo, provocou que a afluencia ás praias fose menor que en outros anos nesas datas e, en consecuencia, que se rexistrasen menos incidencias. O socorristas tiveron xa máis traballo en agosto e setembro, coa chegada do sol e os areais tan masificados como de costume.

Igual que en 2007, este verán houbo dificultades para cubrir todas as prazas de socorrista. “Logo de dúas convocatorias _explicou o coordinador de Protección Civil, Javier Souto_ non completamos as 35 prazas do servizo ofertadas: chegamos ás 25 persoas, entre socorristas e sanitarios, coas que ofrecemos un moi bo servizo, aínda que tivemos que suprimir algunha das zona de baño das oito que hai nas nosas praias. Contamos coa axuda de Protección Civil e, ademais, o Concello asinou convenios con Cruz Vermella e a Federación Galega de Salvamento e Socorrismo para que os alumnos dos seus cursos puidesen facer prácticas con nós. En Razo mantivemos habitualmente a de Arnados e a do noso posto principal, e alternativamente, dependendo das horas e dos efectivos, a da Cabreira e a Intermedia, aínda que desde o posto principal sempre puidemos controlar esas dúas zonas con total garantía. En Baldaio, a zona que lle chamamos ‘de libre’ non se cubriu en toda a temporada por falta de persoal, como tampouco os areais de Arnela e de Leira”.

Sobre este asunto insistiu o alcalde, Evencio Ferrero: “Intentábase, e seguiremos intentando no futuro, que o número de socorristas aumente, pero sabemos que en Galicia, non só en Carballo, senón no conxunto do litoral galego, hai esa especial dificultade polo listón que se colocou para ser socorrista en este país, non así noutros territorios do estado”.

Distintivos de calidade

O concelleiro de Medio Ambiente, Miguel Vales, sinalou que o Concello segue a insistir na súa política de continuar co coidado do medio ambiente e da calidade da xestión dos areais”. Souto salientou que Carballo conte cunha senda azul, de Razo a Baldaio, e con tres bandeiras azuis, as das praias de Razo (que recuperou este ano o distintivo), Saíñas e Pedra do Sal.

Outra das boas noticias foi a renovación -onte mesmo chegou a notificación- dos certificados EMAS e ISO 14:001, que avalan a calidade da auga dos areais carballeses. Un ano máis seguimos sen episodios de contaminación en todos os puntos de selección onde tanto a Xunta de Galicia como o Concello realizaron as analíticas. “Con isto case podemos garantir _explicou o concelleiro_ que a temporada que vén estará, como xa estiveron nesta, todas as zonas de baño abertas aos usuarios”. Mesmo o areal de Arnados obtivo sete cualificacións de excelente e unha de suficiente nas avaliacións da Consellería de Sanidade, o que fala moi claramente do nivel da política municipal de control de vertidos.

Evencio Ferrero destacou os investimentos que se seguen realizando en toda a costa, aos que hai que engadir o do abastecemento de auga a Razo e Oza, “o máis importante que fixo nunca unha administración local en Carballo sen axuda doutras administracións”.

Este ano o Concello puxo tamén en marcha dúas campañas de sensibilización: unha viaria, co a instalación de pasos elevados e bandas para reducir a velocidade; e outra medio ambiental, coa instalación de cabicheiras nas praias.

Puedes seguir este artículo en; @cayetanaAT @FeijooGalicia @_MartaGonzalez_ #secretariademedios @pp @ppdeg #ppdegalicia @xunta #xunta #retegal #amtega #eleccionesxunta @IdiazAyuso @idiazayuso2019 #retegal #amtega #bng #psdeg #enmarea #ciudadanos #feijoogalicia #galiciafeijoo @TurismoGalicia @Turgalicia @TurismoGalicia1) @turismoriasbaixas @PresumeDGalicia
@ppdegalicia #turismogalicia #costadamorte #xunta #xuntadegalicia #pp #ppdeg #ppdegalicia #riasbaixas #riasaltas #costadamorte #islascies #ascatedrais #ribeirasacra #ribeirasacra #vigo #lavozdegalicia #lacozdegalicia #mermeleros #cloacasperiodismo #TEM_RistoMejide #RistoMejide #TEM #FeijóoConVox #GaliciaSuma #EspañaSuma #EvoMorales #Bolibia #galiciafeijoo #feijoogalicia #turismogalicia #FeijóoConVox.

Otros articulos relacionados.....

Que teñen preguiza. Nunca quixeron traballar:  Denuncia; Envíanos los datos a holgazan@acciónytransparenciapublica.com     mais sobre preguiza..+