A decana de Santiago de Compostela, Sandra María Iglesias Barral, elixida por unanimidade na Xunta Xeral Extraordinaria de Xuíces celebrada o pasado 31 de outubro, será presentada mañá nun acto que terá lugar, a partir das 13 horas, no edificio dos xulgados. A cerimonia estará presidida por Iglesias e polo presidente da Audiencia Provincial da Coruña, Ignacio Picatoste Sueiras.

Iglesias ingresou na carreira xudicial no ano 2009, sendo o seu primeiro destino o Xulgado de Primeira Instancia e Instrución número 1 de Ordes, con competencia en Rexistro Civil e Violencia sobre a Muller, materia na que conta con formación con perspectiva de xénero nas xurisdicións civil, penal e social. Co seu ascenso a maxistrada, pasou a desempeñar, como xuíza de adscrición territorial, funcións de reforzo na sección sexta da Audiencia Provincial da Coruña. Por concurso de maxistrados/as, accedeu ao Xulgado do Social número 3 de Santiago de Compostela e, posteriormente, ao Xulgado de Primeira Instancia número 4, no que permanece na actualidade.

DÍA: 22 de xaneiro

LUGAR: Xulgados de Santiago (rúa Viena, s/n, primeiro andar)

HORA: 13 horas