O portavoz do Grupo Socialista, Luis Álvarez, emprazou hoxe ao presidente da Xunta a dicirlle publicamente a Feijóo “por que no te callas”, logo de que puxera en cuestión a designación da Coruña como sede da Aesia. Así o dixo na última sesión de control ao presidente do ano, que o socialista dedicou ao fracaso da política industrial da Xunta, que con competencias exclusivas levou a Galicia á terceira peor posición de España.