Pese a crise do Sistema Sanitario Público, todo seguirá igual. O gasto sanitario previsto nos orzamentos, DECRECE nun 0,7%.

1. O crecemento do orzamento é do 4,4% respecto do 2024, pero si descontamos a inflación actual (5,5%) o crecemento real é negativo (-0,7%), e dicir: a Xunta non ten previsto novos recursos para abordar a crise do Sistema Sanitario Público Galego.

2.  A partida para Atención Hospitalaria, pese a ser moi superior a de Atención Primaria, experimenta un descenso real do -0,7%, insuficiente para reducir as listas de agarda e completar as reformas hospitalarias que levan anos pendentes.

3.   O orzamento para toda a rede de hospitais públicos (29 en total) apenas crece en 168 millóns de euros, mantendo o 65,3% do gasto sanitario. As obras de ampliación do hospital de Pontevedra (que levan mais de 24 anos esperando) recibirán apenas 41 millóns (71 se incluímos equipamento); o da construción do novo CHUAC de A Coruña sufre un recorte de 63 millóns respecto aos 100 previstos no pasado ano.

4. Mantén a situación de recortes e marxinación da Atención Primaria que ten gravísimos problemas de accesibilidade, integralidade  e perda de calidade: O gasto para Atención Primaria sube unicamente 5 décimas, quedando no 14,7% do total sanitario. Con esta escasa suba, tardarase máis de 30 anos en alcanzar o 25% recomendado pola Organización Mundial da Saúde e as organizacions profesionais da Atención Primaria.

5. O gasto en receitas de farmacia segue moi elevado e das poucas partidas que crecen. Supón o 17,6% (dos puntos máis co de AP) cunha suba real do 1,5% (sen a inflación).

6.  Perpetúanse así a precariedade do  Servizo de Saúde Pública necesario para facer fronte a novas epidemias (pese a experiencia da COVID):  Non crecen os cartos para protección e promoción de saúde, mantendo un raquítico 0,4% do orzamento total.

7. Mantense a precariedade da partida para formación, pese a urxencia de mellorar a cualificación do persoal. O gasto para formación experimenta una suba de apenas 6 millóns o que supón manter o 1,6% do orzamento.

8.   Apenas se destinan recursos a investigación que é crave para garantir un sistema sanitario público de calidade e que dé respostas axustadas ás necesidades reais da poboación: unicamente recibe o 0,4% do total do gasto.

 TABLAS