Tras o inaceptable exercicio de ocultación do Ministerio de Sanidade das listas de espera, ao publicalas tres meses despois dos establecido (31 de decembro do 2022), agora a Conselleria de Sanidade saca peito presumindo de ser a cuarta comunidade con menores listas.

Desde a Asociación Galega para a Defensa dá Sanidade Pública queremos saír ao paso de semellante desvergoña:

1. Non se pode presumir de estar á cabeza dunhas listas inaceptables mo Estado, consecuencia da política de recortes do Sistema Sanitario Público e da falta de un plan extraordinario para abordalas despois da COVID

2. En Galicia o numero de persoas que esperan unha intervención cirúrxica é de 43.544, un 25% superior ao de decembro do 2019, en plena pandemia.

3. As que esperan para unha primeira consulta con algunha especialidade hospitalaria derivadas desde a Atención Primaria ascenden a 215. 620, un 22% mais que o ano 2019

4. O tempo medio de espera dunha persoa enferma para ser operada é de 75 días, un 28% mais que en 2019 mentres que o de consulta co especialista hospitalario é de mais de dous meses, un 57% superior ao do 2019

5. Se sumamos os tempos médicos para unha consulta no Centro de saúde (mais de 7 días, que poden chegar aos quince), o de visita a especialista hospitalario, ao de probas diagnósticas (mais de tres mes de media) e o intervención cirúrxica, unha persoa enferma que necesita operarse tarda de promedio 238 de media en facelo (hai persoas que poden esperar mais dun ou dous anos.

6. A Conselleria de Sanidade non ten en marcha ningún plan extraordinario para afrontar este enorme tapón de enfermidade tras a COVID. É escandaloso que os hospitais Públicos non estean a utilizar a pleno rendemento os seus recursos para reducir as litas ao traballar media xornada (consulta, probas diagnósticas e quirófano non teñen apenas actividade pola tarde).

7. Para rematar a faena o SERGAS acaba de autorizar aos seus médicos para a traballar nos centros privados concertados en lugar de que traballen pola tarde nos públicos (voluntariamente e ben remunerados)

Hai unha clara estratexia de privatizar o Sistema Sanitario Público por parte da Xunta que incrementa a actividade concertada con hospitais privados como única estratexia para reducir as listas e de de apoiar os seguros privados que soben exponencialmente (a pesar de que tamén ten importantes listas de espera)