Información
Galicia

Portocabo comeza a rodaxe de ‘Auga seca’, a súa nova coprodución con SPi para TVG e RTP

Información
03 Junio 2019 1119 votos
1 1 1 1 1 1 1 1 1 1
PR AUGA SECA 6A actriz portuguesa Victoria Guerra e os galegos Monti Castiñeiras e Sergio Pazos protagonizarán Auga seca, a serie que as produtoras Portocabo e SP-i preparan para Televisión de Galicia e RTP, a canle pública portuguesa. O Real Clube Náutico de Vigo, un dos escenarios da serie, acolleu esta mañá a presentación desta coprodución internacional, que está a iniciar a súa rodaxe en Vigo e Lisboa e que contará tamén no seu reparto con Eva Fernández, Cris Iglesias, Manolo Cortés ou Tacho González. “Logo de varios anos rodando no estranxeiro é un privilexio poder facer unha produción ambiciosa como esta en Galicia e seguir estreitando lazos cos nosos colaboradores portugueses”, declarou Alfonso Blanco, director xeral de Portocabo, nun acto no que estivo acompañado pola propia protagonista Victoria Guerra, Rosa Vilas (adxunta ao Director Xeral da TVG), Jacobo Sutil (director da AGADIC), José Amaral (Managing Director de SP-i), e Isabel Correia (directora de RTP Porto).

Auga seca comeza coa morte de Paulo Duarte no porto industrial de Vigo. Un aparente suicidio que non convence aos seus xefes, nin á policía, nin á súa irmá Teresa, que se muda de Lisboa a Vigo e empeza a traballar na empresa onde estaba Paulo, co obxectivo de descubrir o que pasou. Victoria Guerra, que interpreta a Teresa, explicou que “por riba de todo, é unha serie moi ben escrita, moi sorprendente”, e destacou a importancia a nivel artístico de colaborar entre profesionais de Galicia e Portugal. Ese carácter transfronteirizo está integrado na propia trama: “é unha serie moi volcada cara ao mar, e de aí que Vigo sexa o foco principal, unha protagonista máis”, apuntou Alfonso Blanco, que tamén fixo especial fincapé no carácter “naturalista” da serie: “para nós era importante que fose verosímil, crible”. Auga seca terá 6 capítulos de 50 minutos e recolle o universo do tráfico de armas e as súas conexións co mundo empresarial. “É un thriller, e en canto thriller é unha historia que viaxa”, explicou José Amaral, director xeral de SP-i, que contou como a idea da serie os conquistou dende o primeiro momento. “É un relato no que Portugal fai parte dunha forma orgánica, sen ser forzada, e iso cambia todo”, apuntou o produtor, subliñando ademais que a colaboración da súa empresa con RTP e TVG abre “un camiño longo a seguir” no mercado internacional. Polo de agora, ese camiño vén de comezar coa entrada no proxecto da distrbuidora británica DCD Rights e a venda dos dereitos de emisión da serie para Holanda, Finlandia e Europa do Leste (neste caso, á prestixiosa canle americana AMC).

Na mesma liña, as responsables das televisións que estrearán a serie celebraron esta oportunidade de afondar no seu traballo conxunto. A adxunta á dirección da TVG, Rosa Vilas, quixo destacar que Auga seca é un produto “moi noso pero que pode viaxar e dar a coñecer a nosa realidade”, e amosouse convencida de que ía “namorar a todo o mundo” pola súa altísima calidade. Así mesmo, lembrou a boa acollida de Vidago Palace, coprodución de Portocabo que tamén emitiron TVG e RTP. Isabel Correia, directora da RTP Porto, destacou o carácter cada vez máis híbrido dos produtos televisivos e a vantaxe de aproveitar a conexión que existe entre Galicia e Portugal: “en Portugal e Galicia recoñecémonos moito, somos persoas moi parecidas, e identificámonos coa historia de Auga seca”. Ese vínculo tamén o sinalou Jacobo Sutil, director de Agadic, que comentou a facilidade de “traballar co outro lado da raia” polos puntos en común na lingua e a historia. Ademais, puxo énfase na contribución do proxecto ao audiovisual galego, empregando a máis de 150 persoas e abrindo vías para o sector a nivel internacional, aspecto no que destacou a Portocabo como un “referente”.

A rodaxe de Auga seca en Vigo prolongarase ata o 19 de xullo en localizacións que inclúen o Real Clube Náutico, o porto de mercancías de Guixar ou o barrio do Castro. O talento galego, e particularmente o vigués, terán unha labor fundamental no proxecto, que será filmado en galego e portugués mantendo un rexistro realista. Auga seca continúa deste xeito coas producións internacionais de Portocabo, que está a piques de estrear Hierro (7 de xuño), producida para Movistar+ con ARTE France e Atlantique Productions e dirixida por Jorge Coira.

Puedes seguir este artículo en; @cayetanaAT @FeijooGalicia @_MartaGonzalez_ #secretariademedios @pp @ppdeg #ppdegalicia @xunta #xunta #retegal #amtega #eleccionesxunta @IdiazAyuso @idiazayuso2019 #retegal #amtega #bng #psdeg #enmarea #ciudadanos #feijoogalicia #galiciafeijoo @TurismoGalicia @Turgalicia @TurismoGalicia1) @turismoriasbaixas @PresumeDGalicia
@ppdegalicia #turismogalicia #costadamorte #xunta #xuntadegalicia #pp #ppdeg #ppdegalicia #riasbaixas #riasaltas #costadamorte #islascies #ascatedrais #ribeirasacra #ribeirasacra #vigo #lavozdegalicia #lacozdegalicia #mermeleros #cloacasperiodismo #TEM_RistoMejide #RistoMejide #TEM #FeijóoConVox #GaliciaSuma #EspañaSuma #EvoMorales #Bolibia #galiciafeijoo #feijoogalicia #turismogalicia #FeijóoConVox.

Otros articulos relacionados.....

Que teñen preguiza. Nunca quixeron traballar:  Denuncia; Envíanos los datos a holgazan@acciónytransparenciapublica.com     mais sobre preguiza..+