Información
Galicia

Denuncian que os xuices obrigan ao Goberno da Xunta a devoilver a paga aos funcionarios que Feijóo vende como un panfleto electoral

Información
29 Junio 2016 1789 votos
1 1 1 1 1 1 1 1 1 1

Noela Blanco acusa ao goberno galego de confundir o Parlamento coa Teletenda e alerta de “novos retallos agochados nun caixón”

Santiago de Compostela, 28 de xuño de 16. A portavoz de Función Pública do Grupo Socialista, Noela Blanco, cualificou hoxe de “fraude preelectoral” a Lei aprobada hoxe polo procedemento de lectura única para devolverlle a parte proporcional da paga extraordinaria de 2013 do período entre o 1 de xaneiro ao 28 de febreiro daquel ano aos funcionarios públicos. A deputada socialista dixo que a Xunta quere ofrecer como prevenda o que en realidade está obrigada polas reiteradas sentenzas xudiciais en contra.

Blanco dixo hoxe que o PP e o Goberno galego “confunden o Parlamento coa Teletenda” para “vir todo o día a facer ofertas en época preelectoral” e utilizando desta volta aos funcionarios e funcionarias “como moeda de cambio”. A deputada socialista amosou a súa negativa á aprobación express da Lei porque impide o debate e anunciou a abstención dos socialistas para non obstaculizar o pago desta contía substraída aos funcionarios.

A deputada socialista lembrou que o presidente da Xunta apenas tardou dous meses logo das pasadas eleccións autonómicas en romper coa súa promesa de non aplicar máis recortes aos traballadores e traballadoras públicos. Alertou que desta volta “teñen a mesma consigna” e alertou de que “teñen agochanos nun caixón novos retallos” que queren agochar ata que pasen as eleccións.

Os socialistas galegos, engadiu, non se cren a promesa do PP de repoñerlle a paga extraordinaria e os complementos específicos aos traballadores e traballadoras públicos porque ten que ser aplicado nuns orzamentos, os correspondentes a 2017, que aínda non están nin elaborados.

Perder o goberno

Atribuíulle estas promesas á certeza de que nas próximas eleccións autonómicas “van perder o goberno galego”, e lembrou que o único dato certo da xestión do PP é que os funcionarios e funcionarias de Galicia levan perdido o 23,5 por cento do seu salario, un 4 por cento por enriba da media estatal.

Ademais replicou contra o argumento de que esta suposta restauración das condicións salariais responde á melloría económica cando o salario dos galegos e galegas está un 12 por cento por debaixo do resto do Estado, co que é a terceira autonomía cos salarios máis baixos.

Otros articulos relacionados.....