Feijóo non te protexe do Covid, permite que te contaxes nos Centros de día públicos galegos

Información
Galicia | 10 Julio 2020 | 2625 Votos | Correo electrónico | Imprimir


Denuncian o grave risco que supón a apertura ordenada pola Xunta dos Centros de día públicos do Consorcio Galego de Igualdade e Benestar.

Traballladores e traballadoras destes Centros de día denuncian que "a unha semana da apertura dos centros, estes non contan co material de desinfección e limpeza necesarios, cos equipos de protección individuais nin o persoal suficiente para a correcta atención e tampouco existen unhas indicacións claras aos provedores dos servizos". 

 

Tras o esforzo realizado durante a Emerxencia Sanitaria, isto pode quedar en nada se a Xunta de Galicia non pon remedio a unha situación "de elevado risco para os usuarios dos Centros de día, os propios traballadores e traballadoras dos centros e os familiares e achegados." 

Estamos a ver a situación descontrolada que está acontecer na zona da Mariña e pode quedar en anecdótica se temos en conta que a maior parte dos contaxios durante a Emerxencia Sanitaria producíronse en Centros de día e residencias. A Xunta expón ao traballadores e traballadoras, usuarios e cidadáns da Galiza a un risco moi elevado se non dota ao persoal das medidas de seguridade oportunas e os protocolos necesarios para esta nova situación. É por isto que "A pesar do anuncio electoralista da Xunta de Galicia, os traballadores e traballadoras dos centros de día da Consellería teñen claro que estes centros aínda non deberían abrir. No caso contrario, a saúde e integridade do persoal, usuarios e familias veranse claramente comprometidos, co risco que isto supón para todos os habitantes da Galiza."

social youtube xornalgalicia   feed-image