Información
Galicia

A TARTARUGA MARIÑA “LADEIRA” XA NA SÚA VIAXE POLO ATLÁNTICO

Información
03 Agosto 2016 2863 votos
1 1 1 1 1 1 1 1 1 1

IMG 20160803 WA0004A tartaruga LADEIRA, foi recollida na praia de Ladeira, Corrubedo, Riveira, o 31 de marzo, o alertante pensou que estaba morta dada a súa inmobilidade, na recollida participou Protección Civil de Riveira que entregou o exemplar á Unidade Móbil da Rede de Varamentos de Galicia. Seguidamente foi trasadada á UCI de Nigrán, puxéronselle en marcha as condicións ambientais para a súa rehabilitación,  actividades que están financiadas pola Dirección Xeral de Conservación da Xunta de Galicia. Alí, coas condicións e tratamentos axeitados aplicados polo equipo veterinario da CEMMA a tartaruga recuperou folgos rapidamente. Con 21 cm delonxitudee 499 g de peso,no momento de ingresar,éasegundatartaruga máis pequena recuperada en Galicia ata o momento.

Nestes case catro meses de recuperación a tartaruga mellorou no seu aspecto e condición de saúde, recuperando máis de 300 g de peso, mobilidade e capacidade de mergullo. A primeira fase levouna a cabo nas instalacións da Unidade de Coidados Intensivos que a CEMMA ten instalada no local de coordinación da rede de Varamentos en Nigrán. Alí ocupou dende o primeiro acuario de 80 litros a outros de maior volume, rematando no acuario de transición de 1500 litros.

A última fase no Acuario do Grove

A segunda fase da recuperación transcurriu no Acuario do Grove, que dende hai anos colabora coa Rede de Varamentos de Galicia na última fase de recuperación das tartarugas mariñas. Alí LADEIRA compartirá espazo con outras especies mariñas adaptándose ás condicións que terá no medio natural.

O oco que deixado por LADEIRA no Acuario foi cuberto pola tartaruga BEO, que afrontará nas seguintes semanas a última fase da recuperación

Despedida no porto do Grove

Hoxe mércores día 3 ás 10:00 h da mañá foi o momento da despedida da tartaruga LADEIRA no porto do Grove. Alí embarcou no barco Gardacostas de Galicia, Punta Roncadoira, para ser liberada fóra da ría de Arousa, a 10 millas do Grove para que poida continuar con seu camiño cara ás augas do Caribe. Jose Antonio Martínez, Presidente da CEMMA e Manolo e Gonzalo, do Colectivo Ecoloxista do Salnés, entdiade inetgrada na CEMMA, acompañaron á tartaruga no momento da liberación.

Vinte anos da Rede de Varamentos de Galicia

A Rede de Varamentos de Galicia actualmente está baixo responsabilidade da Dirección Xeral de Conservación da Natureza, da Consellería de Medio Ambiente, Territorio e Infraestruturas da Xunta de Galicia, dende 1999 a través dos convenios e servizos que leva a cabo a Coordinadora para o Estudo dos Mamíferos Mariños-CEMMA. Actualmente a administración cubre o financiamento relativo aos animais varados vivos da fauna mariña ameazada e nalgúns casos conleva a recuperación nas UCIS especializadas, co compromiso de garantir o funcionamento da rede nos vindeiros anos.

A CEMMA é a única entidade ambiental autorizada para a participación na Rede de Varamentos de Galicia a través das autorizacións pertinentes da Dirección Xeral de Conservación da Natureza da Xunta de Galicia, dado que as especies que manexa están protexidas. As Unidades Móbiles da CEMMA manteñen unha atención permanente dos avisos de varamentos para o caso de asistencia inmediata fronte a calquera eventualidade. Para iso conta co número activo 24 h 686 98 90 08 e coa conexión directa co teléfono de emerxencias 112 SOS Galicia.

A base de datos de varamentos leva contabilizados nestes vinteseis anos, dende 1990 ao ano 2016, un total de 5676 exemplares varados en toda a costa de Galicia.

Otros articulos relacionados.....