Buscar
- 
Publicidad + 
Dende Portugal, das accións que pretenden levar a cabo en varios concellos portugueses, vinculadas á explotación do litio, que segundo as investigacións que manexan, poden afectar gravemente ás augas do río Miño, que como saben, baña varios concellos galegosO TEXTO RECIBIDO É O SEGUINTE:
"Galegos e portugueses xuntos na defensa do patrimonio común Onte, sábado 22 de agosto, xente do Movimento SOS Serra d’Arga e das asociacións galegas ANABAM (Asociación Naturalista do Baixo Miño), Centro Social Fuscalho e a Jalleira (Asociación Forestal e de Educación Ambiental) percorreron a Serra da Arga a pé, visitando algúns dos lugares máis ameazados polo proxecto de minería que o goberno luso pretende realizar. En conxunto, estes colectivos levarán a cabo unha serie de accións durante as vindeiras semanas, nas localidades fronteirizas, co obxectivo de sensibilizar á poboación sobre a problemática da mina de litio que de seguir adiante, colocaría en risco os recursos naturais da rexión, especialmente o río Miño, acuífero común das dúas nacións. Desta xornada de traballo resultou unha declaración conxunta na defensa do patrimonio común, baixo a forma de Manifesto: “O Norte de Portugal e a Galiza son casa para dous Pobos irmáns, unidos non só pola matriz da lingua senón tamén pola paisaxe, pola cultura e por un río que nos abraza e nos achega. O Rio Miño está baixo a ameaza do proxecto que o Goberno portugués pretende implementar e que, de acontecer, estragará de xeito irrecuperable o noso territorio, comprometendo o futuro da auga que nos é VITAL. Conxuntamente, a poboación galega e portuguesa, non permitiremos o avance deste proxecto, que impedirá o desenvolvemento sostible da nosa rexión común. Nin unha perforación na Serra da Arga!”
Dado que pode afectar ao Patrimonio Natural -tamén Cultural- Galego, queremos transmitírllelo para que se fagan eco da nova, e mesmo poidan entrevistar a alguén das Asociacións Galegas que están involucradas no proxecto (ANABAM -Asociación naturalista do Baixo Miño-, Centro Social Fuscalho e Jalleira -Asociación forestal e de educación ambiental-)
Os medios de comunicación portugueses xa se fixeron eco das primeiras actividades que desenvolve o movemento "SOS SERRA D'ARGA"
Para ampliar información e mesmo facer entrevistas sobre o tema, poden contactar con calquera das tres asociacións galegas involucradas no proxecto. Tamén poden implementar a información no facebook
