Información
Galicia

PONTE CALDELAS CELEBRA O DÍA DO LIBRO E O CENTENARIO DO PASAMENTO DE CERVANTES CUN ENCONTRO LITERARIO-MUSICAL

Información
21 Abril 2016 2571 votos
1 1 1 1 1 1 1 1 1 1

IMG 0686 copia

Varios usuarios do centro de lectura leron varios estractos do Quixote, de obras de García Márquez e Manuel María que se foron intercalando coa actuación do conxunto de corda "Laranxada de Limón" e o músico Iván Gulín

O alcalde, Andrés Díaz, fixo referencia na súa intervención a declaración da Unesco sobre este día

Ponte Caldelas, 21 de abril de 2016

O Concello de Ponte Caldelas conmemorou o Día Internacional do Libro e o IV Centenario do falecemento de Miguel de Cervantes cun encontro literario-musical organizado pola Biblioteca Municipal ao que asistiu o alcalde, Andrés Díaz Sobral.

O acto iniciouse coa letura, por parte do alcalde Andrés Díaz, dun manifesto da Unesco por mor desta celebración coa que se pretende conmemorar unha data emblemática como é o 23 de abril, día en que faleceron autores da talla de Miguel de Cervantes Saavedra, William Shakespeare ou Garcilaso de la Vega.

Esta data foi declarada pola Conferencia Xeral da UNESCO, celebrada en París en 1995, como Día Internacional do Libro co fin de honrar a memoria daqueles literatos e homenaxear a libros e autores.

O Concello de Ponte Caldelas, aproveita esta data para realizar unha serie de actividades desde a Biblioteca Municipal orientadas a dar a coñecer os distintos servizos que ofrece este centro cultural á vez que se fomenta a participación creativa e literaria dos seus usuarios a través deste encontro musical no que se combinou a letura de textos do Quixote con estractos de obras de autores tan coñecidos como Gabriel García Márquez ou Manuel María.

A nota musical foi posta pola agrupación de corda "Laranxada de Limón" acompañados polo músico Iván Gulín que tamén interpretou varias pezas de orixe sefardí.

Aproveitando esta conmemoración, desde o Concello de Ponte Caldelas, foméntase a afección á letura animando aos numerosos nenos e mozos que se achegan ata a Biblioteca Municipal a incentivar o seu interese pola aprendizaxe, o descubrimento, a curiosidade e a imaxinación creativa a través do apaixonante mundo da literatura.

Otros articulos relacionados.....