Información
Galicia

OS SOCIALISTAS PREGUNTARANLLE A FEIJÓO POLO INCUMPRIMENTO DA LEI DA CRTVG E POLA PERSECUCIÓN A PROFESIONAIS DO ENTE

Información
18 Septiembre 2018 591 votos
1 1 1 1 1 1 1 1 1 1

O portavoz do Grupo Socialista, Xoaquín Fernández Leiceaga, centrará a sesión de control ao presidente da Xunta da próxima semana na situación que está a atravesar a CRTVG. Logo da Xunta de Portavoces do Parlamento, explicou que os socialistas reclamarán de novo o cumprimento da Lei de 2011 e levarán ao presidente da Xunta a situación de persecución de profesionais do ente.

 

O responsable socialista alertou da situación da CRTVG, coas protestas que teñen cristalizado nos “venres negros” protagonizados pola plantilla e que derivaron na apertura dun expediente a unha presentadora logo de sinalar o uso partidista do medio. Este foi o contexto tamén dunha manifestación a comezos de setembro contra da inxerencia do PP e do goberno galego nos informativos da cadea.

Fernández Leiceaga dixo que “non cremos que –Feijóo- poida estar tranquilo mentres existen profesionais perseguidos na CRTVG”. Puntualizou que a “falla de resposta da Xunta merece unha acción política por parte do PSdeG” na “defensa da calidade e a liberdade nos medios públicos e a favor da neutralidade informativa” e urxiu á constitución do Consello de Informativos e do Estatuto Profesional como determina a Lei.

Os socialistas centraranse principalmente na defensa dos servizos públicos, a través en primeiro lugar dunha proposición de Lei para a reforma da Lei de Garantías Sanitarias dirixida a garantir a actuación da Xunta para resolver carencias onde se detecten e frear a derivación aos centros privados concertados. Tamén presentarán unha pregunta sobre o “avance insuficiente” na implantación da Hemodinámica 24 horas, esta vez en Ourense.

O ensino público será un dos eixos das propostas que presentarán os socialistas galegos no Pleno da próxima semana, a través dunha interpelación sobre o inicio do curso e a redución da oferta educativa en determinados concellos. O parlamentario socialista sinalou a situación do Instituto de Brión como exemplo das localidades periurbanas sometidas a maior presión demográfica nas que a Xunta impide o reforzo dos recursos.

Non pode ser igualar por debaixo, obrigando a determinados centros a renunciar a profesores de reforzo ou suprimir asignaturas optativas”, resumiu o portavoz socialista, que reclamou que como mínimo se manteña a calidade educativa e comprometeuse a exercer “presión para acadar unha resposta positiva do goberno nestes casos”.

Finalmente, o Grupo Socialista presentará unha proposición non de Lei dirixida a recuperar a gratuidade nos desprazamentos programados para persoas en situación de dependencia, que hoxe teñen que asumir as costas dos seus desprazamentos diarios. O Pleno incluirá ademais unha proposición non de Lei para reclamar a limpeza urxente dos fondos do Río Umia e do encoro de A Baxe, diante da “situación preocupante” da conca.

Finalmente, o Pleno rematará con dúas preguntas orais nas que os socialistas galegos poñerán de manifesto a “forma de actuar” do goberno galego, evidenciando que “non dixo a verdade” cando anunciou a súa candidatura para o Laboratorio Europeo de Bivalvos.

Tamén intentou agochar a Xunta que rompera co protocolo asinado co goberno para aproveitar as instalacións do Vello Xeral de Lugo para fins distintos dos sanitarios. Fernández Leiceaga apuntou que este protocolo, asinado en setembro de 2017, foi roto polo goberno galego en maio, coincidindo co debate da moción de censura, evidenciando a súa “utilización partidista das institucións”.

Comisión de Investigación

O portavoz do Grupo Socialista aludiu tamén ao prazo aberto para propoñer integrantes da Comisión de Investigación dos recortes na sanidade pública, que rematará o próximo luns permitindo a súa constitución inmediata. Fernández Leiceaga anunciou unha proposta de axenda de traballo “ampla e esixente” por parte dos socialistas galegos e reiterou a advertencia fronte a calquera tentación de bloqueo da mesma polo PP.

Fernández Leiceaga mantivo a súa reserva sen embargo fronte á Comisión de Investigación sobre o accidente do Marisquiño, que relacionou coa proximidade dos comicios locais e da holgada situación electoral do alcalde de Vigo.

Lembrou que o Parlamento carece de competencias no sinistro, e comparou a situación co accidente de Paramos, en Tui, onde si que houbo falecidos e cuantiosos danos materiais sen que os grupos solicitaran ningunha investigación na Cámara Autonómica.

 Acceso Suscriptores Xornal Galicia. María del Mar Sanchez Sierra Secretaría de Medios y su forma de adjudicar el dinero público..+   -   

Otros articulos relacionados.....

Que teñen preguiza. Nunca quixeron traballar:  Denuncia; Envíanos los datos a holgazan@acciónytransparenciapublica.com     mais sobre preguiza..+