Información
Elecciones de Galicia

O PLAN POS + 2017 DA DEPUTACIÓN DA CORUÑA E O CINISMO DO ALCALDE DA LARACHA

Información
14 Diciembre 2016 3251 votos
1 1 1 1 1 1 1 1 1 1

É evidente que o Plan POS + 2017, que vén de presentar a deputación provincial da Coruña, é moi beneficioso para os concellos da provincia. Un plan que vai reducir burocracia e permitir aos concellos coñecer de antemán as cantidades das que disporán anualmente, que permitirá asímesmo que os concellos saneados destinen esas cantidades a aquelas cuestións que consideren prioritarias e os que teñan débedas con proveedores poidan ir liquidando as mesmas. Un plan flexible, que permitirá que se poidan incorporar os remanentes ao longo do exercicio. En definitiva, todo son vantaxes para os concellos, polo que, desde o noso punto de vista, non se entende a crítica dalgúns alcaldes do Partido Popular (entre eles o da Laracha), se non é desde unha posición absolutamente partidista e sectaria.

Desde o BNG da Laracha non podemos máis que reprobar a actitude, que consideramos hipócrita, do alcalde da Laracha, ao criticar este plan e dicir que o concello da Laracha sae perdendo 159.000 euros con respecto ao presente ano 2016, mentres estivo absolutamente calado durante os catro anos de goberno do PP na deputación con Diego Calvo á cabeza, anos nos que o noso concello foi un dos máis prexudicados polos cambios de criterios que beneficiaron ás grandes cidades no reparto de fondos. En concreto, o concello da Laracha perdeu un 21% no DTC 93 cos criterios establecidos polo goberno de Diego Calvo con respecto aos criterios do POS.

O alcalde da Laracha sabe que mente, pois durante o vindeiro ano 2017 os fondos veránse incrementados coa incorporación dos remantentes. O Sr. López Varela sabe que no 2016 o PAS tivo unha asignación de 33 millóns de euros, e no orzamento de 2017 asígnanse 20 millóns pero esa cantidade veráse incrementada. O Sr. López Varela sabe que durante os anos de goberno do Partido Popular na deputación o concello da Laracha recibiu moito menos diñeiro cada ano do que ten recibido en 2015 e 2016, e sabe tamén que este plan é moi beneficioso para o concello da Laracha que poderá destinar os fondos da deputación ás cuestións que considere prioritarias, con maior flexibilidade e moita menos burocracia. Que este enorme beneficio para o concello redunde despois nun beneficio para a veciñanza xa vai depender da xestión do goberno municipal. Como clarificaba moi ben un titular de prensa recente, “o novo plan provincial pon a proba a moiría de idade dos concellos”.

Para rematar, expoñeremos algúns datos que poñen en evidencia o cinismo das declaración do Sr. López Varela respecto deste plan da deputación, cando gardou un silencio cómplice coas decisións do goberno de Diego Calvo que prexudicaron enormemente o noso concello:

Cantidades recibidas polo concello da Laracha, da deputación da Coruña, no ano 2014 (con goberno provincial do PP):

  • POS 2014 (total 24.200.000): 349.196,22 €

  • DTC 93 (total 18.000.000): 167.921,48 €

  • Convocatorias subvencións: 67.693,21 € Total ano 2014: 548.810,91 €

Cantidades recibidas no ano 2015 (goberno PP):

  • POS 2015 (total 24.200.000): 348.520,35 €

  • PAI 2015 (total 25.000.000): 298.565,36 €

  • Convocatorias subvencións: 84.979,36 € Total 2015 (goberno PP): 732.065,07 €

Cantidades recibidas no ano 2015 (goberno BNG + PSOE):

  • PAS 2015 (total 33.000.000): 477.853,31 €

Cantidades recibidas no ano 2016 (goberno BNG + PSOE):

  • POS 2016 (total 24.200.000): 350.425,76 €

  • Convocatorias subvencións: 96.678,92

Total PAS 2015 + POS 2016 + subvencións 2016 (BNG+PSOE): 924.957,99 €

Previsión orzamento 2017 para A Laracha:

  • Achega 2017 (total 32.500.000): 470.344,72 €

  • Achega 2016 (total 20.000.000): 289.442,90 €

  • PAI 2017 (21.500.000): 311.151,12 € Total 2017 (BNG+PSOE): 1.070.938,74 €

Se botamos as contas do que vai recibir A Laracha no 2017, sen contar o PAI, (en principio, xa que a final de ano serán máis, unha vez se produzan as incorporacións de remanentes) con respecto ao que recibiu no 2014 (último ano completo de goberno provincial do PP), resulta que no 2017 o noso concello recibirá 175.000 € máis que no 2014.

Os datos están aí e as declaracións son só palabras que, desde o noso punto de vista, amosan o cinismo e o sectarismo do alcalde da Laracha que é incapaz de recoñecer a enorme vantaxe que supón para o noso concello o plan POS + 2017 da deputación da Coruña. Por certo, un plan no que ten moito que ver un larachés de nacemento, o deputado responsábel da área de cooperación cos concellos, Xosé Regueira, do BNG.

A Laracha, 14 de decembro de 2016

Asdo.: Xoán M. Sande Muñiz,

Portavoz do Grupo Municipal do BNG da Laracha

Puedes seguir este artículo en; @cayetanaAT @FeijooGalicia @_MartaGonzalez_ #secretariademedios @pp @ppdeg #ppdegalicia @xunta #xunta #retegal #amtega #eleccionesxunta @IdiazAyuso @idiazayuso2019 #retegal #amtega #bng #psdeg #enmarea #ciudadanos #feijoogalicia #galiciafeijoo @TurismoGalicia @Turgalicia @TurismoGalicia1) @turismoriasbaixas @PresumeDGalicia
@ppdegalicia #turismogalicia #costadamorte #xunta #xuntadegalicia #pp #ppdeg #ppdegalicia #riasbaixas #riasaltas #costadamorte #islascies #ascatedrais #ribeirasacra #ribeirasacra #vigo #lavozdegalicia #lacozdegalicia #mermeleros #cloacasperiodismo #TEM_RistoMejide #RistoMejide #TEM #FeijóoConVox #GaliciaSuma #EspañaSuma #EvoMorales #Bolibia #galiciafeijoo #feijoogalicia #turismogalicia #FeijóoConVox.

Que teñen preguiza. Nunca quixeron traballar:  Denuncia; Envíanos los datos a holgazan@acciónytransparenciapublica.com     mais sobre preguiza..+