Información
Xornal de Tecnologias Digitales

Contribución do LaboraTE da USC ao último documento informativo publicado polo Consello asesor de ciencia e tecnoloxía da oficina para Europa (E-STAG)

Información
Galicia 06 Junio 2019 593 votos
1 1 1 1 1 1 1 1 1 1

O Laboratorio do Territorio (LaboraTE) da Escola Politécnica Superior de Enxeñaría do campus de Lugo da USC tivo unha participación activa na elaboración do último informe que vén de presentar a ONU na Plataforma Global para a Redución de Desastres 2019, un foro global de carácter bienal que vén de celebrarse en maio na capital suíza e no que participaron arredor de 5.000 representantes gobernamentais, de organizacións internacionais e multilaterais, organizacións non gobernamentais e institucións académicas de todo o mundo.

 

A contribución do LaboraTE da USC ao último documento informativo publicado polo Consello asesor de ciencia e tecnoloxía da oficina para Europa (E-STAG) é obra do investigador Urbano Fra Paleo, que tamén imparte a materia de riscos naturais e antrópicos no Máster en Xestión Sustentable da Terra e do Territorio e actúa como representante de España nesta oficina da ONU para a redución do risco de desastres.

 

 

O informe sobre prevención e riscos de catástrofes debatido en Xenebra centra os seus contidos nos desafíos que presenta a obtención de datos sobre desastres e vulnerabilidade, ao tempo que fai especial fincapé nos datos socioeconómicos, así como no intercambio de información entre os diferentes niveis da Administración, desde a local ata a nacional.

 

As recomendacións recollidas neste documento, que será a base para definir as prioridades e as accións políticas dos países europeos no período 2019-2020, apuntan a necesidade de asignar fondos suficientes para adaptarse aos riscos asociados ao cambio climático e especialmente a aqueles derivados da subida do nivel do mar ou extremos meteorolóxicos como as ondas de calor.

 

A prestación de máis atención ás dimensións demográficas e particularmente á poboación cada vez máis avellentada, así como aos emigrantes e refuxiados; a concienciación sobre a importancia de dispor de datos fiables e o máis completo posible para tomar mellores decisións, e a sensibilización social sobre a existencia de barreiras que impiden o intercambio e o uso de datos que permitan a gobernanza do risco de desastres constitúen outros dos piares nos que se asenta este informe da E-STAG.

 

As recomendacións e liñas de actuación propostas sinaladas pola oficina da ONU para a redución do risco de desastres mereceu os parabéns de Mami Mizutori, Representante Especial do Secretario Xeral de Nacións Unidas neste ámbito, quen salientou a destacou a importancia de E-STAG para apoiar aos países europeos nos esforzos para aplicar o Marco de Sendai.

Puedes seguir este artículo en; @cayetanaAT @FeijooGalicia @_MartaGonzalez_ #secretariademedios @pp @ppdeg #ppdegalicia @xunta #xunta #retegal #amtega #eleccionesxunta @IdiazAyuso @idiazayuso2019 #retegal #amtega #bng #psdeg #enmarea #ciudadanos #feijoogalicia #galiciafeijoo @TurismoGalicia @Turgalicia @TurismoGalicia1) @turismoriasbaixas @PresumeDGalicia
@ppdegalicia #turismogalicia #costadamorte #xunta #xuntadegalicia #pp #ppdeg #ppdegalicia #riasbaixas #riasaltas #costadamorte #islascies #ascatedrais #ribeirasacra #ribeirasacra #vigo #lavozdegalicia #lacozdegalicia #mermeleros #cloacasperiodismo #TEM_RistoMejide #RistoMejide #TEM #FeijóoConVox #GaliciaSuma #EspañaSuma #EvoMorales #Bolibia #galiciafeijoo #feijoogalicia #turismogalicia #FeijóoConVox.