Información
Localidades de Galicia

Traballan na validación da temperatura superficial da auga de lagos con bandas térmicas de satélites

Información
24 Enero 2019 287 votos
1 1 1 1 1 1 1 1 1 1

Carmen Cillero, na presentación do proxecto na Universidade de Uppsala

A spin off nada no campus de Lugo da USC 3edata, que está integrada na Rede Global de Observatorios de Lagos e Encoros (Gleon) como responsable do site Abegondo-Cecebre, traballa na validación da temperatura superficial da auga de lagos e encoros a través dos datos achegados por bandas térmicas de satélites como o Landsat 8, mediante a instalación de sensores remotos en lagos a nivel global, no marco dun proxecto de teledetección e ciencia cidadá.

 

 

A doutora Carmen Cillero, responsable da área de I+D de 3edata , a empresa de base tecnolóxica centrada en ofrecer solucións de enxeñaría a partir de datos ambientais que lidera esta actuacións xunto con outros investigadores pertencentes a distintos centros de referencia, tal e como o Cary Institute de Nova York ou o Csiro de Australia, vén de presentar na universidade australiana de Uppsala os primeiros avances acadados no marco da vixésima edición do Encontro da Rede Gleon. A participación da firma luguesa neste consorcio internacional é especialmente activa nos grupos de traballo Xestión de lagos e encoros, e Ciencia cidadá, no que precisamente se enmarca este proxecto, orientado a combinar a ciencia e a divulgación científica coa teledetección aplicada a ecosistemas acuáticos.

 

Os sensores térmicos que precisan os promotores deste proxecto de I+D para a medición en alta resolución espacial vertical da temperatura da auga desenvolveranse na fase inicial desta actuación, uns traballos que se realizarán durante o verán de 2019 en localizacións seleccionadas a nivel global, entre as que se atopa o site de Abegondo-Cecebre, e durante os que se testarán as metodoloxías a implementar a posteriori. De feito, os axentes implicados neste proxecto confían en que a inicial elaboración de dispositivos tecnolóxicos térmicos de baixo sirva de acicate para dar continuidade a un proxecto que, nunha segunda fase, aspira a ter cobertura global mediante a implicación de grupos científicos de todo o mundo.

 

Estadía na Universidade de Uppsala

A investigadora Carmen Cillero aproveitou a súa participación neste encontro da Rede Gleon celebrado en Australia para completar unha estadía na Universidade de Uppsala, período durante o que o visitou a Estación de Campo do Lago Erken, unha instalación incluída na Infraestrutura Sueca para a Ciencia dos Ecosistemas.

 

O principal cometido desta visita foi o de traballar co enxeñeiro de Investigación da referida instalación, William Colom, no establecemento de protocolos de xestión de datos de calidade de auga tomados en alta frecuencia mediante sensores acoplados a sistemas perfiladores automáticos, como o que está en funcionamento en el Embalse de Abegondo-Cecebre.

 

A estación de campo do Lago Erken é unha das máis antigas en funcionamento de Europa, dispón de series de datos tomadas de forma manual desde o ano 1933 e, de forma automatizada, desde 1987. Constitúe por tanto a referencia a nivel europeo en canto á toma de datos de calidade de auga con sistemas automáticos.

 

Durante a súa estadía Carmen Cillero realizou ademais unha presentación do proxecto financiado a través del Programa Torres Quevedo e enmarcado en la Cátedra EMALCSA, a través do que os socios participantes traballan no desenvolvemento dunha ferramenta multiplataforma de monitorización de calidade de auga en encoros baseada en teledetección e datos remotos. Este proxecto liderado está liderado por 3edata xunto coa USC e a UDC.