Información
Localidades de Galicia

Formoso pide ao Goberno que “non autorice o peche de Meirama sen un plan alternativo sólido e viable” que garanta o futuro socioeconómico da comarca

Información
30 Enero 2019 265 votos
1 1 1 1 1 1 1 1 1 1

O presidente da Deputación da Coruña, Valentín González Formoso, reuniuse en Madrid co secretario de Estado de Enerxía, José Domínguez Abascal, co que abordou a situación que atravesa a o comarca de Ordes-Cerceda tras o anuncio de peche da central térmica de Meirama por parte de Naturgy., previsto para 2020.

 

González Formoso solicitou ao máximo responsable de Enerxía do Ministerio de Transición Ecolóxica que o Goberno "non autorice o peche da central sen que Naturgy poña enriba da mesa un plan alternativo sólido e viable que conte co respaldo das administracións e dos traballadores, que garanta os niveis de emprego actuais e amortece o enorme impacto socioeconómico que terá para a zona e para a provincia da Coruña o cese da actividade da planta de Meirama".

O presidente provincial puxo de manifesto o "carácter estratéxico da planta para a xeración de enerxía eléctrica en Galicia" e a máis que posible incidencia do peche desta nun novo incremento do prezo da electricidade, que xa acumula importantes subas nos últimos meses.

"O peche de Meirama afecta directamente a un centenar de empregos, pero terá tamén un gran impacto en numerosas empresas e negocios da comarca. Supón un duro golpe económico para a zona", afirmou Valentín González, que pediu ao secretario de Estado de Enerxía que o Goberno "inste á empresa investir nunha alternativa viable de futuro".

O secretario de Estado de Enerxía confirmou que o Goberno vai a revisar con detalle o plan presentado pola empresa e porá todos os medios para conservar o emprego.