Información
Lugo

50 actividades, para todas as idades, na XVII Feira Medieval de Monforte de Lemos

Información
22 Abril 2019 595 votos
1 1 1 1 1 1 1 1 1 1
XVII Feira Medieval de Monforte de Lemos
Na programación desta sétima edición houbo numerosas actividades: actuacións e espectáculos musicais, demostracións e obradoiros de actividades e oficios tradicionais e para os máis cativos, instalouse un campamento infantil

O Deputado de Turismo, Eduardo Vidal Baamonde, e o Alcalde de Monforte de Lemos, José Tomé Roca, participaron este sábado na XVII Feira Medieval da vila, coa que colabora o Executivo Provincial. Esta cita, que tivo lugar, no casco histórico do concello, celebrarase ao longo de toda a fin de semana. Milleiros de visitantes puideron desfrutar durante a xornada de hoxe da completa e variada programación que se incluíu neste sétima edición, ademais dos menús realizados con inspiración medieval que se serviron en diferentes establecementos hostaleiros de Monforte de Lemos.

Nesta liña, houbo animacións na rúa a cargo do grupo musical medieval Himnodium; o espectáculo  itinerante A Mi Circadas; actuación de Zancudo e o Orlock; actuacións do grupo de tambores, bufóns, xograres e trobadores e O cabaleiro medieval. Ademais, instalouse un campamento infantil, no que os máis cativos, divertíronse coa instalacións de tendas e pavillóns medievais, a exposición de armeiros, a custodia do campamento e as roldas de patrulla pola feira.

Ao longo desta xornada, que continuará mañá, domingo, os visitantes puideron coñecer e comprobar, de primeira man, actividades e oficios medievais como son: a esgrima antiga, fabricación de cota de malla, labores téxtiles e confección de indumentaria histórica, forxa de armas e utensilios ou talla de madeira, entre outros. Ademais, realizáronse desfiles de cabaleiros e instalouse un mercado medieval que contou con numerosos postos de artesanía, roupa, coiro, xoias ou alimentos, entre outros.

Otros articulos relacionados.....