Información
Lugo

Presentan un informe sobre destrozos por xabaríns para avergoñar ao goberno de Feijóo a non exqueza súas competencias de control

Información
11 Febrero 2019 226 votos
1 1 1 1 1 1 1 1 1 1

A Alcaldesa presenta un informe sobre os accidentes causados por xabaríns en Lugo para forzar á Xunta a que exerza as súas competencias de control e active un plan de xestión concretoAnte o deixamento de funcións do Goberno galego, o Concello elaborou un estudo dos tramos de estradas con maior número de accidentes de tráfico provocados por fauna cinexética, que aumentaron un 30% no último ano

O informe, que determina os lugares de paso e parada dos animais,  entregarase á Xunta mañá para que concrete as medidas que adoptará co fin de solventar este problema, que afecta ás zonas rurais e tamén á urbana

“O problema de fondo é que non existe unha correcta xestión do territorio e da fauna cinexética, que son competencias exclusivas da Xunta”, subliñou Lara Méndez

A Alcaldesa, Lara Méndez, presentou este luns un estudo de tramos de concentración de accidentes nas estradas do municipio causados por especies de fauna cinexética, a súa maioría xabarís, durante os anos 2017 e 2018, co fin de forzar a Xunta á que “se tome en serio este problema, que causa preocupación entre os lucenses, e exerza as súas competencias exclusivas en materia de xestión do territorio e no control da poboación de xabarís”.

Segundo este estudo, cuxa elaboración tamén sería competencia da Xunta, o número de accidentes nos dous últimos anos ascendeu a 318, 187 no 2018, o que supón un aumento do 30% con respecto ao 2017. A rexedora destacou que as estradas con maior número de accidentes foron a N-640 cara a Meira, á altura de Teixeiro, con 21 accidentes nun tramo de 2 km; a estrada da Fonsagrada LU-530, con 13 accidentes nun tramo de 4 km.; a A-6 á entrada de Lugo pola Fonsagrada, con 10 accidentes en 3 km.; a A-54 a Santiago, con 8 accidentes en 3 km,: e a N-VI, na contorna do Pazo de Deportes, con 4 accidentes en menos de 1 km.

Grazas a este informe, “que fixemos por responsabilidade”, sostivo Lara Méndez, a Xunta pode determinar onde están os xabarís, os sitios de pasada e onde dormen. “Polo tanto, agora a Xunta xa non ten escusa para o seu deixamento de funcións e para non concretar as medidas a adoptar ante un problema que xa afecta á zona urbana de Lugo, pero que durante anos vén afectando á zona rural, con danos aos cultivos e prexuízos económicos gravísimos sen que o Goberno galego actuase”.

O Concello esíxelle á Xunta que con este informe analice a fondo os problemas a solventar e as zonas concretas onde debe actuarse, como onde rozar, e que ese plan o transmita ao resto das administracións para que poidan colaborar. 

A Alcaldesa lembrou que o Concello xa lle pediu á Xunta no seu día que activase un plan de xestión do xabaril e elaborase un censo de poboación, pero nada se fixo. “O problema de fondo - insistiu Lara Méndez- é que non existe unha correcta xestión do territorio e da fauna cinexética, que son competencias exclusivas da Xunta”.

Ata o de agora, o único que fixo o Goberno galego foi entregar catro mapas do municipio onde se recollen todos os terreos cinexéticos, dos que son zona de exclusión (onde está prohibida a caza) 3.019 hectáreas, das cales 2.085 son chan rústico e 1.700 de propiedade privada, onde non é aplicable a obriga de manter a zona en perfectas condicións, coma ocorre na zona urbana, senón que só se pode ordenar rozar cando hai risco de incendio.

Xunto con estes mapas, a Xunta indica “que sería conveniente un estudo de campo para definir con máis detalles as zonas prioritarias de actuación, porque recoñecen que é unha zona moi ampla e non se pode rozar na súa totalidade”. Por iso, o Concello elaborou o estudo de concentración de accidentes con fauna cinexética, que xa lle deu a coñecer aos técnicos da Administración autonómica, cos que existe unha interlocución directa, e presentarase de maneira oficial na reunión de traballo convocada para mañá.

O Goberno local tamén esixe que a Xunta poña en marcha de xeito urxente unha campaña de comunicación entre a poboación onde se explique como deben actuar os veciños e veciñas que se atopen cos xabarís e cales son os riscos que presentan estes animais, incluídos os de saúde pública. 

Audio

  • Lara Méndez, sobre os accidentes causados por xabaríns | Descargar mp3
Otros articulos relacionados.....
19 Abr 2019 11:30

Más de una veintena de barcos se disputarán el Trofeo Comunica...

Agenda de Galicia
19 Abr 2019 10:19

 

El Real Club Deportivo emitirá este domingo, por...

Agenda de Galicia
17 Abr 2019 14:55

O VIII Festival Primavera do Cine proxectará 10 longametraxes...

Agenda de Galicia
17 Abr 2019 13:57

A Xunta de Goberno Local do Concello de Vigo aprobou na súa sesión...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)