Información
Elecciones de Galicia

Bugallo pide á cidadanía que vote pensando nos seus intereses de futuro, na súa pensión, na educación dos seus fillos, nos seus dereitos e liberdades

Información
26 Abril 2019 842 votos
0.5 1 1 1 1 1 1 1 1 1 1 Rating 10%

O candidato á alcaldía recorda que os grandes éxitos de Compostela están vinculados a gobernos socialistas en Madrid; e aposta pola recuperación do Consorcio para desenvolver temas fundamentais para o municipio, como a rehabilitación de vivendas, completar a creación do parque das Brañas do Sar, ou dispor dunha potente programación cultural para o Ano Santo de 2021.


Santiago de Compostela, 26 de abril de 2019

O candidato á alcaldía de Santiago, Xosé A. Sánchez Bugallo pide á cidadanía, que tome a decisión de votar “pensando nas necesidades concretas, nas súas particulares, e nas da cidade de Santiago; pensando, na súa pensión, no colexio dos seus fillos; pensando no que é mellor para que Compostela aborde os retos de futuro”. Lembra Bugallo que a Compostela sempre lle foi mellor con gobernos socialistas, e “que os grandes éxitos de Santiago están vinculados a gobernos do PSOE en Madrid”. Cita “a chegada da alta velocidade, a construción da nova terminal aero-portuaria e da anterior, a nova construción do Periférico ou algo fundamental no futuro: a creación e os mellores anos do Consorcio en Santiago”.


Bugallo sinala que estamos “ante unha data límite para afrontar os grandes retos do Ano Santo 2021 e do 2027”. O que nos xogamos, segundo o candidato á alcaldía e “se imos construír un Xacobeo desde Santiago e en termos de Santiago, ou se quedaremos supeditados a outra administración”. E engade “se queremos que Santiago brille con luz propia neste Ano Santo, necesitamos a recuperación do Real Padroado, do Consorcio, e para iso necesitamos un goberno en Madrid comprometido con nós”.


Aclara o candidato que temas fundamentais para o municipio, “como a rehabilitación da Cidade Histórica, levar adiante e completar a creación do parque das Brañas do Sar, ou que poida dispor dunha potente programación cultural e festiva para o Ano Santo do 2021”, depende de que “teñamos un Consorcio potente e recuperado”. Lembra o candidato que nos últimos Xacobeos o Consorcio aportou aproximadamente 15 millóns de euros para a programación cultural e para a promoción. É moi difícil, di, que “o Concello estea en condicións de dispor deses recursos, salvo que se recupere plenamente o Consorcio nos termos no que o tiñamos no ano 2010, con máis de 20 millóns de euros de orzamento e non os 9 millóns dos que dispón para o 2019”.



Na quenda de preguntas, Bugallo asegurou que descoñece os efectos que os resultados das eleccións xerais terán nas municipais do 26 de maio. Pero, engade, “para min sería moi importante dispor dese goberno comprometido con Santiago. É o que pode, di, “aportar os maiores recursos e autonomía”.


Argumenta o candidato á alcaldía que a capacidade económica que agora ten o concello é limitada. “A única posibilidade de dispor de recursos económicos potentes para a promoción do Ano Santo e de contar cunha programación cultural e festiva axeitada ao que queremos en Santiago e centrada en Santiago, pasa pola recuperación do Consorcio e dun goberno socialista en Madrid”. Explícao con cifras: “o 60 por cento dos gastos nos Anos Santos cúbreos o goberno español. Se ese 60 por cen é unha cantidade ou outra, ten unha filosofía ou outra, ou ven a través dun conduto ou de outro, é moi relevante para Santiago” porque, engade, “a Xunta vai pensar en clave exclusivamente galega, non en clave compostelá. Se queremos que Compostela xogue un papel importante, necesitamos que teña un peso determinante nas decisións que se van tomar e nos proxectos que se van aprobar. Pasou no Ano Santo de 2010 e en 1993, por por un exemplo”.


Eleccións xerais


A Sánchez Bugallo prodúcelle unha gran preocupación o ascenso que poida ter a ultradereita, “como nos debera producir a todos os cidadáns”. E engade, “se tivera que facer un chamamento diría a todos aqueles cidadáns que lexitimamente poidan estar enfadados por múltiples razóns, seguramente todas elas plenamente xustificadas, que voten pensando nas cuestións concretas, nos intereses concretos: no que é mellor para a cidade, para a educación dos seus fillos, no que é mellor para garantir as súas pensións. Que pensen nos elementos concretos, e que tomen decisións prácticas e positivas. Votar deixándose levar pola ira, pola indignación, polo enfado, pola frustración, non é positivo”.

Para Bugallo, “o goberno que aporte o partido socialista sempre será un goberno mellor para a educación, mellor para as pensións; sempre será un goberno que garanta mellor os dereitos e liberdades democráticos, máis dialogante, e que apoiará máis aos máis necesitados”. Sempre será un goberno, di “que promoverá unha política de vivenda para xóvenes, unha política de vivenda para as clases desfavorecidas e non unha especulación inmobiliaria, e que apoiará máis e mellor a rehabilitación, como se acaba de demostrar co Plan Nacional de Vivenda recentemente aprobado”.


Cre Bugallo que “sería moi razoable, que as forzas que de verdade defendan a Constitución busquen puntos de acordo para afrontar os retos e ameazas ao Estado Constitucional”. E entre esas ameazas esta Vox. “A súa presenza non creo que sexa favorecedora dun estado constitucional, libre e democrático”, e cita, entre outras, as súas propostas en temas de igualdade, ou a súa intención de pechar medios de comunicación que non lle son afíns. “Véxoo como unha ameaza os dereitos e liberdades dos cidadáns, pero sobre todo das mulleres, dos máis desfavorecidos e de todos aqueles que discrepan da súa posición”.


--
#vamosstgo #vamossantiago

Puedes seguir este artículo en; @cayetanaAT @FeijooGalicia @_MartaGonzalez_ #secretariademedios @pp @ppdeg #ppdegalicia @xunta #xunta #retegal #amtega #eleccionesxunta @IdiazAyuso @idiazayuso2019 #retegal #amtega #bng #psdeg #enmarea #ciudadanos #feijoogalicia #galiciafeijoo @TurismoGalicia @Turgalicia @TurismoGalicia1) @turismoriasbaixas @PresumeDGalicia
@ppdegalicia #turismogalicia #costadamorte #xunta #xuntadegalicia #pp #ppdeg #ppdegalicia #riasbaixas #riasaltas #costadamorte #islascies #ascatedrais #ribeirasacra #ribeirasacra #vigo #lavozdegalicia #lacozdegalicia #mermeleros #cloacasperiodismo #TEM_RistoMejide #RistoMejide #TEM #FeijóoConVox #GaliciaSuma #EspañaSuma #EvoMorales #Bolibia #galiciafeijoo #feijoogalicia #turismogalicia #FeijóoConVox.

Que teñen preguiza. Nunca quixeron traballar:  Denuncia; Envíanos los datos a holgazan@acciónytransparenciapublica.com     mais sobre preguiza..+