Buscar
- 
Publicidad + 
O alcalde de Vigo, Abel Caballero, animou ás xogadoras e o equipo técnico do Celta Zorka unhas horas antes da súa partida cara Tenerife para participar na Fase Final da Liga Feminina 2 en busca de algunha das dúas prazas que dan o ascenso a División de Honra Feminina de Baloncesto.
O equipo, comandado polo seu presidente, Carlos Álvarez, e a súa adestradora, Cristina Cantero, acudiu á Alcaldía de Vigo, onde o rexedor desexou a mellor das sortes para os partidos que disputarán do 25 ao 28 de abril no pavillón Juan Ríos Tejera, de San Cristóbal de La Laguna.
O Celta Zorka foi campión da súa Liga Regular con 24 vitorias e unicamente perdeu dos partidos, polo que parte como un dos equipos favoritos. O seu primeiro rival será o Barça CBS este xoves ás 19:15 horas (hora peninsular)
