Información
Portada

Loli Toja acusa á Xunta de “xogar coa xente do mar” e reclámalles “deixar de vender fume”

Información
29 Mayo 2019 1782 votos
1 1 1 1 1 1 1 1 1 1

O Pleno do Parlamento aprobou hoxe unha proposición non de Lei do Grupo Socialista para reclamarlle á Xunta un plan de recuperación de permisos de marisqueo –Permex- co obxectivo centrado en proporcionarlles máis postos de traballo ás mulleres mariscadoras. A portavoz de Pesca do Grupo Socialista, Loli Toja, acusou á Xunta de “xogar coa xente do mar”.

Na súa intervención na defensa desta iniciativa, Toja instou ao goberno galego a “deixar de vender fume” para “comezar a traballar pola xente do mar” proporcionándolles cursos de formación e novos permisos de marisqueo.

 

A deputada socialista sinalou que dende que goberna Feijóo reducíronse en máis de 1.100 os permisos de marisqueo para as mulleres, mentres que no caso dos homes aumentaron en 676. Explicou que isto supón a perda de 1 de cada 3 permisos de marisqueo feminino, superior incluso na poboación de máis de 50 anos, e lamentou que a Conselleira do Mar “empregue un libro de máis de 15 anos para facer fronte a este problema”.

Toja sinalou que mentres que este Goberno aparenta tomar medidas, “as mulleres estamos a perder representatividade e visibilidade nos órganos de goberno das confrarías nas que o número de mulleres dispostas a presentarse como candidatas é cada vez menor”. Acusou á Xunta de non tomar medidas para a igualdade de oportunidades das mulleres “que ven como imposible conciliar a súa vida laboral, familiar e persoal”.

A responsable socialista sinalou que “reduciu nun 30 por cento o Orzamento de Melloras para zonas de produción en 3 anos”, mentres que “a Xunta non executa o pouco que orzamenta”, xa que deixan sen investir “6 de cada 10 euros que ían destinados a medidas para combater cuestións como a precariedade ou a fenda salarial”.

Lamentou que a Xunta non teña unha planificación de formación constante xa que a realidade, sinalou, “é que os cursos de formación e os permisos de marisqueo chegan cada 4 anos preto das eleccións”.

Sinalou que a formación debe ser clave e manterse ao longo dos anos “porque os plans de formación para os traballadores e traballadoras do mar constitúen un elemento fundamental para o avance e a mellora dun sector prioritario en Galicia”. Esta planificación, lembrou, “débese realizar con claridade e atender ás necesidades reais xa que contribúe a regular a profesión e a mellorar a calidade do traballo e a dinamización laboral do sector marisqueiro”.

Toja amosou a súa preocupación polo descenso do Permex no caso das mulleres e instou á Xunta “a crear un plan de recuperación de permisos de marisqueo, especialmente orientado ao sector feminino”. Lembrou tamén, “a necesidade dun desenvolvemento de accións formativas para a obtención do Permex xa que suporía unha decisión con forte interese no sector”.

Texto da iniciativa aprobada hoxe:

-“O Parlamento de Galicia insta ao Goberno galego a levar a cabo, nesta lexislatura, un plan de recuperación de permisos de marisqueo, especialmente orientado ao sector feminino”.

Puedes seguir este artículo en; @cayetanaAT @FeijooGalicia @_MartaGonzalez_ #secretariademedios @pp @ppdeg #ppdegalicia @xunta #xunta #retegal #amtega #eleccionesxunta @IdiazAyuso @idiazayuso2019 #retegal #amtega #bng #psdeg #enmarea #ciudadanos #feijoogalicia #galiciafeijoo @TurismoGalicia @Turgalicia @TurismoGalicia1) @turismoriasbaixas @PresumeDGalicia
@ppdegalicia #turismogalicia #costadamorte #xunta #xuntadegalicia #pp #ppdeg #ppdegalicia #riasbaixas #riasaltas #costadamorte #islascies #ascatedrais #ribeirasacra #ribeirasacra #vigo #lavozdegalicia #lacozdegalicia #mermeleros #cloacasperiodismo #TEM_RistoMejide #RistoMejide #TEM #FeijóoConVox #GaliciaSuma #EspañaSuma #EvoMorales #Bolibia #galiciafeijoo #feijoogalicia #turismogalicia #FeijóoConVox.

Otros articulos relacionados.....

Que teñen preguiza. Nunca quixeron traballar:  Denuncia; Envíanos los datos a holgazan@acciónytransparenciapublica.com     mais sobre preguiza..+