Mais de 20.000 persoas enchen as rúas de Compostela en defensa dun monte vivo e esixindo responsabilidades políticas entre outras a DIMISIÖN de Feijóo.

  

As rúas de Compostela viviron hoxe unha xornada histórica coa manifestación en defensa dun monte vivo e contra a lei de depredación aprobada recentemente no Parlamento. 15.000 persoas ateigaron a praza da Quintana

para esixir, ademais,
responsabilidades políticas pola nefasta xestión na vaga de lumes sufrida por Galicia nas
xornadas do 15 e 16 de outubro onde morreron catro persoas. As persoas asistentes
demandaron a inmediata dimisión da conselleira de Medio Rural e do Mar, Ángeles
Vázquez Mejuto, e máis do Secretario Xeral de Montes, Tomás Fernández Couto.
Os manifestantes reclamaron asimesmo que se investiguen as causas reais que
hai detrás dos lumes intencionados que arrasaron grandes superficies nos últimos días,
sinalando intereses empresariais detrás deles.
A televisión pública galega foi obxecto tamén das críticas dos presentes pola
deficiente cobertura e lentitude á hora de reaccionar na tarde do domingo 15, cando xa se
coñecía a gravidade dos feitos e aínda a morte de persoas.
A praza da Quintana gardou un minuto de silencio en memoria de todas as
víctimas personais tanto en Galicia como en Portugal.
A lectura do manifesto correo a cargo de Quico Cadaval e máis de Isabel Risco
que lembraron a necesidade dunha política forestal planificada que axude a dinamizar o
mundo rural.