O crecemento dos pacientes en Listas de Espera en Galicia e a subvención descarada do sector sanitario privado  mostran as graves consecuencias da política de priorizar a concertación de servizos asistenciais coa privada  (a axenda oculta da Xunta)

1.- Aínda que o obxectivo teórico dos concertos é reducir as listas de espera utilizando recursos privados con carácter complementario, segundo os últoimos datos publicados pola Asociación de Hospitais de Galicia ( AGOSGAL) , o SERGAS destinou a concertos privados  a friorenta de 826 millóns de euros entre o 2012 e o 2015.

2.- Pese a esta política os pacientes listas de espera crecen  de maneira sostida:

- En xuño deste ano os enfermos pendentes de probas diagnosticas eran 7.618 mais que nas mesma data do ano pasado e os pendentes de consulta 7.013 máis.

- A espera cirúrxica para os enfermos con Prioridade 1 (os mais graves e nos que a demora ten importantes consecuencias para a saúde) creceu  de 15 días a 16,2 nesas mesmas datas 

- A demora na realización de probas  diagnósticas aumento un 38,1%, especialmente nas de radioloxía,  endoscopia,  estudos oftalmolóxicos e  urolóxicos.

3.- Pero ademais, segundo denuncia o  Consello de Contas no seu último informe,  o SERGAS subvenciona descaradamente ás mutuas laborais, compañías de seguros de accidentes de trafico e de asistencia sanitaria, non cobrándoas os servizos prestados con recursos públicos. O SERGAS deixou de ingresar 50 millóns de euros por este concepto entre 2012 e 2015 segundo a mesma  AHOSGAL.

4.- Todo isto unido á nova concertación por lotes (que inclúen toda a atención hospitalaria dunha área),  a renovación escandalosa do Concerto Singular con POVISA ( Consello de Contas), a privatización da xestión dos novos hospitais a prezos  exorbitantes (como o Álvaro Cunqueiro),   ou o pago polos novos e custosos fármacos , esta levando ao sistema a unha  descapitalización, que de non frearse podería ser irreversible a medio prazo.

Asociación Galega para a Defensa da Sanidade Pública 

11 de agosto do 2019