O Colexio Profesional de Xornalistas de Galicia e o Club de Prensa de Ferrol, atendendo á petición expresa da familia Couso Permuy, retiran o nome de José Couso do Premio Internacional de Liberdade de Prensa que organizan.
O Premio Internacional de Liberdade de Prensa ten o obxectivo de recoñecer e difundir o traballo dunha persoa viva ou organización existente destacada na defensa da liberdade de prensa ou cunha salientable traxectoria profesional, libre e independente. Cada ano, a candidatura gañadora é escollida nunha votación na que poden participar todos os membros do Colexio Profesional de Xornalistas de Galicia e os asociados do Club de Prensa de Ferrol.
