A Xunta Electoral de Galicia adopta o seguinte (descargable )
ACORDO
Primeiro. Incoar procedemento sancionador en relación co presidente da Xunta de Galicia, don Alfonso Rueda Valenzuela, derivado da denuncia acumulada das formacións políticas Bloque Nacionalista Galego e Partido dos Socialistas de Galicia
- PSOE, polos feitos derivados das declaracións efectuadas o 8 de febreiro tras a reunión do consello da Xunta de Galicia, por unha posible infracción do art. 50, segundo parágrafo, da LOREX.
Segundo. Nomear instrutor a don Antonio Martínez Quintanar, vogal da Xunta Electoral de Galicia, e secretario a don Xosé Antón Sarmiento Méndez, secretario da Xunta Electoral de Galicia. Ambos manifestan a aceptación do nomeamento e declaran non estar incursos en causa de abstención das previstas no artigo 23 da Lei 40/2015, do 1 de outubro, de Réxime Xurídico do Sector Público (LRXSP) e normativa aplicable.